الله يحفظ لك بناتك ويصلحهم ويخليهم لك يارب ..

والله يا أختي اني فرحت لما قرأت موضوعك وأحس ان الدنيا باقي فيها خير ..

وإن باقي في أمهات حريصة على تربية أبنائها أشد الحرص وتخاف عليهم من نسمة الريح

في زمن مخيف كثرت فيه الفتن والله المستعان ..

وقل فيه اهتمام الأباء والأمهات على تربية أبنائها على الدين الصحيح وترسيخ العقيدة السليمة في قلوبهم ..

وأصبح مفهوم التربية عندهم هو توفير المال والمأكل والملبس .. فقط

والله ما ألومك يالغاليه أنا عندي بنت قربت تخلص سنتين والله اني شايله هم تربيتها وتربية ذريتي من بعدها ..

لأن هذولي أمانة في أعناقنا وبيسألنا رب العالمين عنهم يوم القيامة ..

ودائما أدعي أقول ياربي أصلح بنتي واهدها وجميع ذريتي من بعدها ..

يارب ارزقني حسن تربيتهم على الوجه الذي ترضاه عني .. آمين ..

بالنسبة لموضوعك حبيبتي أنتي لاتشيلي هم ان بناتك بيتأثرون من المحيط الخارجي ..

كوني على يقين اذا أنتي ربيتي بناتك على المبادئ الإسلاميه الصحيحة وأقنعتيهم ان احنا الصح

وربي يرضى علينا ويدخلنا الجنة ومن هذا الكلام صدقيني مهما واجهوا من صديقات وأقارب برا مراح يضرهم شيئ ولا راح

يتأثرون وان تأثروا فترة في سن المراهقة راح يرجعوا للبذرة الأصلية اللي تربوا وتأسسوا عليها من يوم هم صغار ..

أهم شيئ تكونين الأم الصديقة والحنونه وأمينة الأسرار ..

أنتي ماتقدري تمنعينهم من المجتمع وش بتسوين خليهم يعرفون ويتعلمون ان هذا صح وهذا غلط ..

هذا الخير وهذا الشر ..

شوفي احنا يوم تربينا على أساسيات سليمة اختلطنا مع طالبات المدرسه ومع

بنات والأقارب وكانوا غييييير عن تربيتنا ومع ذلك الحمد لله كبرنا وفهمنا ان اللي تربينا

عليه هو الصح ..

انتي ابذلي الأساب والباقي على رب العالمين ..

وبالنسبة لبنتك وزيارتها لبنت عمها أنصحك بتقليل ذلك .. والأفضل انها ماتروح عندهم الا وقت ماتروحين..

أخيرا ..
نصيحتي لك يالغالية باختصااااااااار

( سهام الليل لاتخطئ )

فهمتيني ؟

الله يوفقك ويخلي لك بناتك ..