علاج للكحة وضيق التنفس جربته بنفسي جربوه وان شالله بتدعون لي
انا عندي بداية ربو يعني ضيق تنفس وبلغم طبعا هالشي صار يجيني من سنة تقريبا
بعد ما سويت عملية وقال لي الدكتور من تاثير البنج كل شي جربته وكل الادوية
مؤقته تنفع فترة استخدامهابس ولما نتركها نرجع مثل ما كنا ومثل ما تعرفون صعب
نستمر عليها لكن انا مستمرة على استخدام بخاخ فانتولين
شافتني وحده من جاراتنا كبيرة في السن وعطتني وصفة هي تستخدمها طول
عمرها لها ولاولادها حتى الصغار منهم وجربتها واستمريت عليها لمدة اسبوع والحمد
لله الحين صار لي اكثر من شهر وانا تمام صرت حتى البخاخ استعمله مرة في اليوم
ولو اتركه عادي ماكون متضايقة لذيك الدرجة يعني ممكن استغني عنه الحين
وبعد جربته اختي لاولادها كان عندهم كحة شديدة خاصة في الليل والحمد لله تقول
صاروا يرتاحون في نومهم وانقطعت عنهم الكحة
العلاج هو
((قطعي بصل جوانح وحطيه في صحن عميق شوي واخلطي معاه عسل طبيعي
واتركيه لمدة ساعتين راح تلاحظين انه العسل صار خفيف لان البصل طلعت مويته
حركيه واشربي منه ملعقة الصباح وملعقة في الليل قبل النوم لا تخافين مافيه ريحة
للبصل حتى لو شربتي الصباح وان شالله فيه الشفاء))
وممكن تجربوه لاولادكم الصغار
على فكرة ممكن تستعملي الوصفة لمدة يوم كامل
ولا تنسوني من دعواتكم الحلوة بالهداية والصلاح