منتدى عالم الأسرة والمجتمع - عرض مشاركة واحدة

07-01-2008, 05:11 AM

#77

اسأل مجرب

عضو جديد

تاريخ التسجيل: Jan 2008

المشاركات: 14

النسيان علاج الاحزان

[

السلام عليكم ورحمة الله وبركاته

]يااأختى الكريمه تعليقي بيكون بكلمات بسيطه

يعنى ماراح اتكلف بالكلام واتنمق احب البساطه...واكيد راح اعلق اكثر من مره على قصتك لانها كل مقطع فيها يحتاج تعليق ووقفه

......انا بكتب اللي يحضر في بالي الحين.......

والله وانا اقرأ قصتك خنقتنى العبره لان قصتك فيها من الغرابه ووالظلم الانسانى الشى الكثير.

وقصتك تعتبر درس في الحياه الزوجيه واسلوب التعامل لانك كنتى تعطين الحب والوفاء والصبر لاانجاح علاقتك الزوجيه....والصفه هذى قليل تلقينها في بنات اليوم.

...

والشي المهم اللي اتمناه انك تنسين وتنسين وتنسين هالتجربه القاسيه اللي مريتى فيها لان مابيدك شى الا وسويتيه في سبيل انجاح زواجك لكن للاسف كنتى تصبين مشاعرك وتضحياتك فى(إناء مخروق)....

انا ماادرى عن وضع زوجك لكن؟؟
اذا هو مسحور فالله يعينه بس مو معقوله تصرفاته معك يعنى انا شخصيا اعرف شخص يشكى من مشاكله الشخصيه في زواجه ويقول انا مسحور بس ما يسوي اللي زوجك يسويه..بس نفترض انه مسحور انت وش ذنبك تعيشين معاه لانك راح تظلمين نفسك وتظلمينه لان الهدف من الزواج هو السعاده وهو ماهو قادر يوفر الشى هذا لك .....المصيبه حتى ابسط حقوقك ماوفرها لك فلييش تعيشين حياتك عذاب لا تقولين هذى التضحيه لان التضحيه معنى اخر يعنى تضحى عشان انسان يستاهل ويقدر اللي تسويه اما مثل حالتك تنفخين بقربه مشقوقووووووووووووووووقه....

اما اذا كانت هذى التصرفات من نفسه يسويها عشان يطفشك وتطلبين الطلاق...فااعذريني لو اقول انه من طائفة (الطحالب الخضراء المزرقه) يعنى ماهو انسان..اقل شى اقول عنه انه( تافه لدرجة 100 تحت الصفر) لان افعاله معك مو طبيعيه. انا مااتصور انه لحد الحين ناس تعيش بالقسوة هذى والوحشيه بالتعامل لان هذى النوعيه من الناس تنتمى للعصر الجوراسي او ززمن الكهوف ....اهل الزوج كيف قدروا يسووون هالبلاوي هذى كلها مااقول الا حسبي الله ونعم الوكيل. قدرنا نعيش مع الناس ونذوق المر والقهر.........وصراحه ودي احش بزوجك هذا واقطعه لانه متخلف المفروض يحمد ربه انه اعطاه زوجه صادقه, وفيه, حبوبه,كريمه,المفروض يزيد احسان ووفاء وحب لكي مايعاملكي بطريقته الغبيه بس سبحان الله مايحس بالنعمه الا اللي فااااااااااااااااااااااااااااااااقدها واللي تكون النعمه بيده مايقدرها.

واهم شى بكتبه لك كلمات صادقه من كل قلبي لك يااختى الكريمه...

انتى مالك ذنب باللي حصل كله من بداية الزواج وقبولك لان الانسان لا يعلم عن الغيب ومايعرف وش راح يصير له باكر ..لاتلومين نفسك انك ارتبطتى به وصدقتى كلامه لان الانسان له الظاهر ولا يعلم عن الغيب..

اي زوجه مستحيل تتحمل جزء بسيط من اللي تحملتيه بس مااقول الا انك انسانه صبوره مرررررررررررررررررررررررره وهذا الشي لا تلومين نفسك فيه بل اصبح رصيد لك عشان ماتلومين نفسك وتقولين لو اتحملته كان ماانتهينا بالطلاق..

والله ان زوجك هذا مايستاهل شعره منك لانك ضربتى اروع مثال للتضحيه لكن للاسف عند انسان معدوم من الانسانيه والمشاعر...

اختى الكريمه انتى مثل ماقلتى سبحان الله الزوجه اللى تقدر الحياة الزوجيه والحب تبلى برجل (عله ومرض)والعكس الرجل اللي يضحى في سبيل انجاح زواجه يطيح ببنت ماتسوى وتعذبه وتنكد حياته...لله في خلقه شؤون..

نصيحتى لك اختى انك تنتبهين لنفسك وتهتمين بها اكثر لانك ظلمتيها وعذبتيها عشان ناس ماتستاهل..

افتخري بنفسك لانك نادره بالزمن وانتى فعلا (انثى) صبرتي واتحملتى وسويتى اللى عليك كله انا لما قريت طريقة تعاملك مع زوجك قلت لو كل زوجه تعامل زوجها بطريقتك كان ماانتشر الطلاق..

زوجك راااااااااااااااااااااح يتقطع ندم وحزن والم على فرااااااقك بس خليه لاترجعين له لان الايام راح تعلمه وتربيه..

اهم شي يداوي جروحك هو التقرب من الله بالدعاء وصدقينى الله ماراح يخيب رجائك ودعائك لانه هو اللي كتب عليك هالشى اللي صار وهو قادر يعوضك..بانسان ثاني يستاهلك...

انتى تعرضتى لتجربه قاسيه واكيد اى انسان يمر باللي مريتى فيه راح يتأثر عشان كذا لاتتركين هالازمه تبقى معك طول حياتك بكل لحظه تستعيدين ذكرياتها..النسيااااااااااااااااان هو الحل.فيه مثل انقليزى(ودي اتفلسف شوي)يقول TIME IS THE BEST HEALER يعنى ان الوقت ومرور الزمن هما احسن علاج للشخص...

اخر شى..
ليش نربط سعادتنا ووناستنا بالمحيط الخارجي يعنى اما بزوج او مال او اي شي اخر لان الزوج قد يخون او المال قد يذهب..عشان كذا احسن حل انك تعيش مع ذاتك لانها ماراح تتخلى عنك..فيا اختى الكريمه عيشي مع ذاتك واعطيها حقوقها لانك ظلمتيها كثيييييييييييييييير.. وقتها راح تحسين بالامن والسعاده..بس بشرط ان الانسان مايتحول الي شخص اناني..

اللي يخلى الانسان يتعذب بعد الطلاق هو التفكير .لكن انتى سويتى اللى عليكى كله واكثر تجاه زواجك فلا تلومين نفسك ابدا.بالعكس تصرفاتك خلت ضميرك يرتاح لانك ماقصرتى بشي ابد تجاه انجاح زواجك والله كتب الطلاق بينكم...

انا مثلك اقترنت بانسانه سويت لها كل شى عشان ارضيها واسعدها ومع ذلك مافيه فايده كان مصير زواجنا الطلاق يعنى لاتعتبرين حالتكى شى غريب انك تخلص وتوفي لشخص ومع ذلك مايبين بعينه شي هذى هي الدنيا وهذى هي الناس فيه الصادق وفيها الكاذب ومصيرنا نعيشها بحلوها وبمرها.

..

ثقى ثقة تاااااااااااامه ان الله راح يعوضك خيراا اما بزوج صالح او عافيه مستديمه او استقامه لان الله مايحب الظلم.وان بعد الدنيا هناك حساب لاهل الزوج والمصايب اللى سووها معاكي...

التعليقات كثيره اللي في بالي بس كان ودي ارتبها بشكل افضل ويكون الرد شامل لكن وقتى محدود بظروف دراستي.....

اخيرا اختى اادعوا لكي بالتوفيق والسعاده في الدنيا وفي الاخره جنه عرضها السماوات والارض ليس فيها حزن ولا ظلم ولا زوج مسحور ولا زوج ظااااااااالم ولافيها ناس تحمل الحقد والبغضاء.تلك هي السعاده الابديه..

[/size]

__________________
انحش واهرب وهج وفض وبالانقليزي (روح جاي) عن الحب لانه أكبر كذبه