عزيزتي الله يعينك ، هذا الزواج شقاه وتعبه اكثر من راحته

انا زوجي مثل زوجك عصبي ، لكني الحمدلله، قدرت اتفادى عصبيته

معليش اسمحيلي ترى الرسالة اللي ارسلتيها قوية مرة ، زين انك ما رديتي عشان تبينين انك زعلانة بس الرسالة شينة ، اتوقع معصب من شي قبل وانتي كلتيها ؟
معليش بسأل سؤال : زوجك يدخن ؟ لأن له تأثير قوي في العصبية اذا طول ما اخذ سيجارة ، الله يعطيهم حريمته يارب

ترى الرجال ما يجون بالعناد ، كل ما طال زعلك ، زاد عناده ! ، يعني انسي يجي هو يعتذر !!

بس انا عندي لك فكرة ، أنا جربتها مرة ونجحت ، تنفع مع الرجال العصبيين اللي ما يعطونك فرصة توضحين وجهة نظرك او تبررين تصرفك!

اكتبي له رسالة حب ، تبينين فيها مدى حبك واهتمامك فيه و انتبهي تنتقدينه ، ووضحي فيها شعورك تجاه التصرف اللي سواه ، وانك انجرحتي والشي اللي صار ما يستاهل العصبية هذي كلها، قولي مثلا انك قلبك طيب وحبيب وما يطلع منك هالتصرف ، وان هذا ينعكس عليه هو ، خاصة قدام اخوك وقدام الناس ، لانهم بينظرون له هو ، مهوب انتي ،،، حاولي انك تمتصين غضبه

الله يوفقك يا رب ويسعدك

وصدقيني مافيه احد مرتاح ، انا قاعدة انصحك وانا عندي مشكلة مع زوجي واحاول احلها .... بس نعين ونعاون ونستفيد من

مشاكل بعض ، عسى الله لا يجيب زعل بينا وبين ازواجنا وازواج المسلمين اجمعين آمين