اختي زوجه رائعه1

انتي مو غلط

والله يصبرك ويثبتك ويوفقك لكل مافيه خير لك ولأولادك


الوحده منا ماودها ان زوجها يفكر مجرد التفكير بالزوجه الثانيه وودها تكون محور حياة الزوج

والي زوجها فكر وما نفذ يضيق صدرها بس تقول الحمدلله انه ماسواها وتسامحه وتعطي زوجها كامل حقوقه لارضاء ربها اولا وعشان يكبرون اولادها في بيئه مستقره ثانيا

والي زوجها تزوج وشوي وطلق زوجته الثانيه يضيق صدرها بس تقول الحمدلله انه طلق وتسامحه وتعطي زوجها كامل حقوقه لارضاء ربها اولا وعشان يكبرون ابنائها في بيئه مستقره ثانيا

واللي زوجها تزوج وحده ثانيه ومخليها على ذمته وكان يعدل بينهم يضيق صدرها من زواجه بس تقول الحمدلله انه يعدل وترضى وتعطي زوجها حقوقه كامله لارضاء ربها اولا وعشان يكبرون الابناء في بيئه مستقره

من الواقع الي اعيش فيه:

بعض الزوجات تتحسر ويضيق صدرها ععلى زواج زوجها وتظل على هذا الوضع بأمل انه يطلق زوجته الثانيه او ان زوجها من بعد زواجه تكرهه وتصير المشكله على ادنى سبب

والبعض الآخر تصبر وتصبر وتتحمل وتكمل حياتها وتعطي زوجها حقوقه وتعيش حياة مستقره



تعالي الحين نشوف وضع الاولاد:

في الحاله الاولى الاولاد مشتتن مابين الام والاب وبعض العائلات صار بين الاولاد نفسهم خصومات وانقسمو الي مع الاب والي مع الام وصارو ما كأنهم اخوان

الحاله الثانيه تكبر الام في عين الاولاد ويظل احترامهم لابوهم ويعيشون زيهم زي البيوت الي بدون مشاكل وافضل



نشوف الحين الزوجه وش طلعت به في النهايه:

الحاله الاولى اغضبت زوجها وهو ماسوى شي حرام الي أدى الى انها عصت ربها + ان الاولاد عايشين في مشاكل اهلهم الي ممكن تأثر عليهم وعلى مستقبلهم

الحاله الثانيه صبرت + اطاعت زوجها+تربيه سويه للأولاد

فلها جزاء الصابرين

وارضت زوجها
(ايما امرأة ماتت وزوجها راض عنها دخلت الجنه)



فيا اختي العزيزه مادام زوجك مو مقصر معاك وصارلكم متزوجين 16 سنه ماشاءالله لاقوة الا بالله ومو مقصر معاك ولا مع العيال

فهذي نعمه والله

الحالات السابقه ممكن الزوجه تتحمل الوضع وترضى

الي يقهر ياحبيبتي ولا يرضي لا الله ولا رسوله :

الخيانه، الزواج من اخرى واهمال الزوجه الاولى والاولاد

ومادامك الحمدلله بعيده عنهم فاصبري وادعي الله ان يحييكم حياة هنيئه



والله يرزقك الجنه على صبرك ورعايتك لبيتك ويرزقك بر اولادك يارب