الله يوفقك ياغموض انتي وعبير وجميع المسلمين والمسلمات
اسمعي ياغموض
كلامي اللي راح اقوله راح يتكلم عن اللي عشناه ..
لان المجتمع متقارب قليلا لكثرة الاحتكاك ببعض الزملاء من كل الطبقات .
يعني يمكن راح تحسين فيه وتقولين يمكن اللي يقوله هذا مثل حالة فلان اللي من قرايبنا ..... وتتفتحون شوي
فيه شباب عندهم كلمة عيب ... مثل ما الاب وبنته عندهم شي اسمه عيب
هذه وحده
والعيب اللي اتكلم عنه في الشخص ليس عيب بالمعنى الخلقي
لا
طيب
الحين واحد رازقه الله مثلا وماعليه قاصر بشي
راح ينصحونه ويحدونه اخواياه واهله على الصغيره .... ليش
لانها عجينه وخرابيط مدري وشهي ... والكبيره عيب ومتعلمه الدنيا وراح تعاند ووووو
يقتنع بهم غصب ..... لان عدم الخبره بامور الزواج ترخي من ثقته قليلا فينصاع
فيذهب لخطبت فلانه الصغير ..المتطلبه ربما ... الجميله ربما ... التي لم يقتنع بها ربما .....
وكم من غني اخذ عكس ماقيل له .
طيب فيه رجال مثل ماقلت لكن مايبون الزواج ... كله سفر وتمشيات ..؟
وش حاد البنت تلتفت له وتقول ابي مثل هذا ! تقول المظاهر والمال مهمه
طيب المسكين ذاك يبيها بس موراضيه او ابوها موراضي
نردد لهم البيت اللي يقول : اللي يبينا عييت النفس تبغيه / واللي نبيه عييا البخت لايجيبه
كل الناس تعتبر افكارها صحيحه
مثلا
وحده تقول ابي اتمتع روحات جيات سفريات .
وواحد يقول ابي جمال ودلال ونانسي وكلوديا .
اقول لهم غنوا مافيه مشكله بس تحملوا وانتبهوا تطيحون بالحرام بمختلف اشكاله حتى الله يبارك لكم .... لكن افهموا وشهوا الزواج ومعناه .
طيب
نجي للانسان اللي على قد حاله
كيف على قد حاله ..؟
1- انسان لا يوجد عنده وظيفه ... لكن عنده شغله بسيطه يطقطق فيها
يقدر مثلا يدفع مهر قليل ويتزوج ويحطها في شقه صغيره على قده وحفل صغيرون .
تقولين يلقى صح ..... لكن مثلا ماحصل للحين .
هذا يبقى انتظار
تبي تقولين يلقى معونه من اصحابه او او او ..... نقول ماحصل مثلا او انه عنده مهر لها لكن متشرط .... وش نسوي فيه هذا ..؟ مشكله هنا وهي التشرط .
طبعا كل واحد له حق التشرط من بنات ورجال ... لكن يكون قدها وقدود .
2- انسان يوجد عنده وظيفه لكن راتبها قليل والمهر عنده يشكل ازمه والسكن ازمه بعد .... وعنده مجتمع مظاهر .. وش يسوي ؟؟؟
3- انسان راتبه كبير لكنه سقط بالمساهمات الوهميه والاسهم وجلس على الحديده ... لامهر ولاسكن ... ويقول ماودي اتزوج الى ان ارتاح من هم الدين .... وش يسوي ..؟
يبقى انتظار في سكة قطار .
طيب وش رايك لو نجمع واحد من اللي على قد حاله قبل لايكثر ماله ويطير ..مع البنت اللي تبي الستر ولاتدور المظاهر وتبي مهر قليل وبيت صغير وحفلن صغير ...بغض النظر عن هيئتها او جمالها اوقصرها ؟؟
تهقين اذا وافقوا على بعض كل واحد منهم يقوله قلبه وش اللي حدك على المر ويرد عليه قلبه ويقول اللي امر منه ... بس بعد الزواج القلوب بيد الرحمن يقلبها كيفما شاء سبحانه .. ربما كنوز الارض يفديها به ....
طيب يجي واحد ويقول والله زوجنا فلان باللي قلت عليها لا حطينا عليه لامهر ولابيت ولاشروط لكن معزرها او طلقها ....
كم واحد سيذكر مثل هالقصه ..؟ ... ستجدينها قليله جدا وتعد على الاصابع بخلاف من وضعت الشروط والمهور .....
فليس بعد قول الرسول قول ( اقلهن مهرا اكثرهن بركه ) او كما قال عليه الصلاة والسلام .
بركه المرأه للرجل ... بركة الرجل للمرأه ... بركة الاولاد ...
المشكله ان الانسان يقول الزواج يحتاج ويحتاج ... واذا ماعندنا يحتاج راح نموت علشان كذا ماراح نزوجه او ماراح اتزوج
يتبع ان شاء الله
التعديل الأخير تم بواسطة ساري10 ; 09-01-2008 الساعة 02:35 PM