ساذكر مثال ليس بسيط للستر للطرفين لكن مهم ان طبق من الجميع لم نجد احد يقول عنوسه وغيرها
قصة المراه التي في حديث سهل بن سعد رضي الله عنه وفي معناه ان امراه وهبت نفسها لرسول الله صلى الله عليه وسلم فخفض النظر عنها ورفعه ولم يردها فقال احد اصحابه زوجنيها يارسول الله قال: " أعندك من شيء؟ قال: ما عندي من شي قال: "ولا خاتما من حديد" قال: ولا خاتم من حديد ولكن أشق بردتي هذه لأعطيها النصف وآخذ النصف قال: " هل معك من القرآن شيء". قال: نعم قال:" اذهب فقد زوجتكها بما معك من القرآن
هل رفضته المرأه وقالت اهانه او عيب او لم يقدم لي مهرا مشرفا او وش يبون يقولون عني الناس ..؟
لا
لانها ارادات الستر الذي غاب عن مفهومنا
وهل قال هو والله ماهي جميله او قصيره او او وا وووو ..؟
لانه اراد الستر
طيب حنا ماحنا في زمن الصحابه حتى تقول لنا هذا .... الناس تخوف الحين ..؟
وهل تركنا الرسول ولم يخبرنا شيئا في هذه الدنيا
طبعا لا ... فقد تركنا على المحجة البيضاء
اصلحتي النيه واردتي العفاف للنجاة من المحرمات وطلبتي رضى الله بماتفعلينه واخترتي صاحب الدين واستخرتي .... اين المشكله ..؟
المشكله بالعقل
ثلث يريد دنيا - وثلث يريد الآخره - وثلث مبرمج على عيب
اعتقد راح يصير اضطرابات بالعقل ويدخلنا بحيره وتردد .والمعاناه التي تزيد
فلا بد من تقوية الايمان المطلق بالله
طيب
كيف اقنع اهلي ..؟
الدور عليك هنا بالترويض.لانك ابخص باهلك ... فالمحاوله احسن من الجلسه ومافيه شي مستحيل .... وفيه الف طريقه
طيب
وشلون اصيد الرجال هذا اذا لقيته .... فالعيب مااقدر استغني عنه ... فقدر الظروف ..؟
اقول ماني اشطن منكم يالحريم
انتم تقدرون تحطون بالسناره انواع الاكل المغري ...
توصيل المعلومه بطريقه غير مباشره .... واذا ماتبين الحريم الثانيات يدرون او تستحين راح نلقى لها حل ان شاء الله .... واحد من الرجال القريبين
ساذكر لكي قصه شخص كنت جالس معهم
قمنا نسولف نسولف الى ان وصلنا للزواج فقال ليش ماتتزوج .... قال الدنيا ماتساعد وانا اخوك الزواج يبي ويبي ويبي
رد عليه وقال
تعال بس تعال ازوجك اختي واترك الخرابيط اللي براسك والا راعي شروط مثل ساري ! ( الكلمه هذه خلتني اتاكد مما وصلني من النساء اني بدون زواج الى الان بسبب تشرطي مع اني قادر على حرمتين بالوقت هذا )
تمنيت اني بموقفه
رد المخطوب وقال ياخوي صح ان عندي راتب حلو لكن وانا خوك كله بالديون
قال معليك ماحنا طالبين شي
كم تقدر عليه انت
قال عشرين الف وبيت مااقدر عليه
قال له خلاص رح لبوي وكلمه والبيت حطها عند امك لين تتيسر امورك ...
راح وتم الزواج بعد مافهمه ظروفه !!!!!!!!!!!!! غريب صح
لكن لو ماقاله الكلام هذا ... واخذ انطباع عنه وقال هذا راعي شروط مثل مااكتشفت بالصدفه
وش تتوقعين ...؟
تلقينها جالسه للحين وهو جالس للحين محدن درى عنهم ولا حصل شي
وكل واحد يحط اللوم على الآخر .
يتبع ان شاء الله