المشاركة الأصلية كتبت بواسطة ღ قلب طـفله ღ

السلام عليكم ورحمة الله وبركاته

والله ماني عارفه كيف اقول مشكلتي اللي كلاني الهم و الحزن منها

ماراح اطول بالكلام لكن انا تعرضت للتحرش من ولدعمي من كان عمري 10 سنوات
ومره كان عمري 13 سنه وبسببها فقدت .... كنت اصرخ احاول اهرب منه لكن بدون فايده كان دايم يهددني ويقولي لو تكلمتي بيذبحونك اهلك اما انا بيخلوني لاني رجال وانتي بنت صح ماكنت افهم كلامه ذاك الوقت الا انه كلام يخوف وبس ماكنت افهم وش يقصد وطبعا بما اني مرره اخاف من اهلي لانهم شديدين شوي ماقلت لاحد وسكت على هالموضوع

وقبل كم شهر قلت هالموضوع لوحده من اقاربنا متزوجة لاني ارتحت لها واصرت على اني اسوي كشف ونتيجة الكشف كانت نتيجة مؤلمة بالنسبه لي اه والله مو عارفه شقول لكن الحمد لله على كل حال

اللحين انا عمري 20 سنه وثقتي بنفسي معدومه لكن ثقتي بربي كبيره ربي ماراح يضيعني .


من بعد ماكشفت وحالتي من سيئ لأسوأ ماعرف انام ولا اكل حتى دراستي تردى مستواي فيها والله اول ماعرفت فكرت انتحر بس خايفه من العقوبه

دايم احس بالذنب مع انه ماكان بيدي شي اسويه وهذا موذنبي ابي اثق في نفسي ابي ازيح هالخوف من حياتي استغفر الله حتى بصلاتي ماصرت اركز فيها