منتدى عالم الأسرة والمجتمع - عرض مشاركة واحدة - الكنافة النابلسية من مطبخي وبالصور خطوة بخطوة

15-01-2008, 02:23 PM

ام عبد الله 84

عضو نشيط جدا

تاريخ التسجيل: Oct 2007

المشاركات: 374

الكنافة النابلسية من مطبخي وبالصور خطوة بخطوة

السلام عليكم ورحمة الله وبركاته

بسم الله الرحمن الرحيم

بما انه الدنيا برد

والحلو مطلوب بهاي الايام

علشان الواحد يدفى

زوجي اقترح علي نعمل كنافة وكان عنا عجينة كنافة بالفريزر وجبنة محلية

بلشت احضر اغراض الكنافة الا زوجي بحكيلي ما بدك تنزليها على المنتدى

قلتله

لا خلص علشان غلبة التصوير قام حكالي لا انا بصورلك هههههههههه

وانا عم بعمل الكنافة زوجي سالني

انتي ليش بتنزلي المواضيع بالمنتدى ؟؟

صرت افكر قبل ما اجاوب لانه زوجي ما بسال اي سؤال هيك لله فلله ههههههههه

بعدين قلتله علشان تعم الفائدة ونستفيد من بعضنا ، الا هوي حكالي ما في اي سبب تاني ؟؟؟ قلتله لا بس علشان هيك !! قام حكالي يعني مش علشان كل زوجة تخلي زوجها يرضى عليها لما تعمله مفاجاة الكنافة

اكيد طولت عليييييييييكم

هلاء رح ابلش معاكم بالمقادير والطريقة والصور

بسم الله نبدأ

المقادير :

كيلو كنافة
كيلو جبنة بقري محلاه قبل بيوم (تقطع الجبنة وتحلى بالماء قبل بيوم)
سمنة بيضاء
قطر
فستق حلبي

الطريقة :

1- المقادير هاي هي :

2- نضع ملعقتين سمنة على الصنية الي بدنا نعمل عليها الكنافة

3- نبلش نفرك بالعجينة وهي على نار هادية بايدينا ما بنفع بالملعقة لازم بالايدين علشان العجينة تتفتح

شكلها قبل التفتيح

شكلها بعد التحميص

4- نضع ملعقة سمنة ونرش عليها نتفة صبغة من صبغة الكنافة نتفة صغيرةةةةةةة
وندهنها على الصينية ( راعي انه تكون الصينية اكبر من الصينية الي بدك تقلبي فيها )

5- نضع اول طبقة من الكنافة بس ما تكون كتير الافضل انها تكون رقيقة

6- بعديها نفرك الجبنة ونجهزها للفرد كطبقة تانية

7- نضع الجبنة فوق الكنافة

8- نضع طبقة خفيفة من الكنافة فوق الجبنة بتكون اقل بكتير من الطبقة الاولى

9- نضعها بالفرن على نار هادية نوعا ما ونغطيها علشان الجنبة تسيح من البخار وبعد ما نحس انه الجنبة ساحت نرفع الغطا عنها ونكمل شوائها ولما نشوف الدواير تبعونها احمروا ونحركها بالصينية وكلها تتحرك نقلبها

لاحظوا كيف الجبنة سائحة

10- نجهز القطر ويجب ان يكون سخن جدا

ومقادير القطر 4 كاسات سكر
2 كاس ماء

11- نطحن الفستق الحلبي

12- نقلب الكنافة ونقطعها ونحط القطر ونضع الفستق

وتكون بهذا الشكل

وصحتين وعافية

__________________
يارب

التعديل الأخير تم بواسطة مستكة_مستكة ; 15-01-2008 الساعة 02:30 PM السبب: روابط خارجية للصور