اخي بداية
يعنى مثلا : لماذا دائما لم اجد أبدا حتى الآن فتاة على طبيعتها عندما نتقابل على مستوى الأسرتين .. كما تكون زميلاتى فى العمل ..لماذا دائما تكون متجهمة ..بخيلة فى الكلام أو الإبتسامة ..لماذا التذبذب فى رد الفعل ..أحيانا الضحك والمشاركة على تعليقاتى واحيانا التجهم الشديد ..؟؟
هذا ليس تصنع واعتقاد منا انه الحياء
انما الموقف بيكون مربك جدااااا فلاتتوقع وحدة تكون عطبيعتها
ثم انو البنت او حتى الرجل لو قابلو شخص لاول مرة من نفس جنسه
يعني انت لو قابلت رجل اول مرة هل راح تكون عطبيعتك فعلا ؟؟؟أكيد لا
فكيف البنت المتربية عالحياء والخجل لماتشوف رجال غريب وتقعد معاه واضافة انو الغرض هي الخطبة
فوقتها راح تخجل مضاعفة وترتبك جدا
انا لما خطبني زوجي رغم انو كنا بنحب بعض لكن لانو ماكنا نتقابل او مثلا يعني نخرج سوا والحمدلله
كنت غرقانة يوم ماقعدت معاه جلسة مع الاهل
فكيف واحد مابتعرفو ابدا؟؟؟
بالنسبة لباقي كلامك اخي لاتطلب الكمال لانك نفسك لست كامل ولايوجد بشر كامل
انما اطلب اشياء اساسية ان توافرت فالحمدلله
يعني الامور الخارجية شكل مقبول وجسم مقبول
ارتياح من اول نظرة
سمعة واخلاق وعلم
باقي الصفات مستحيل تعرفها الا بعد الخطوبة والعشرة
صدقني
وكل الي بصير معك لانو مافي نصيب
لو في نصيب بتعرف شو راح تحس
من اول نظرة متشوف البنت حتحس انك بتعرفها من سنين طويلة
وانو حتحس روحك راحت لروحها
وانو فعلا هاااااي فتاة احلامك
كل الي بيصير تقدير من رب العالمين لانو نصيبك مااجا
وإن شاء الله ياتي
لكن المهم لا تصعب الامور ولا تتصرف بمثالية
يعني مسالة الشكل ان كان لها اهمية بالغة وقصوى عندك
وازا واقفت عالبنت السمينة وحاسس راح تتاثر كتير ومشاعرك تتاثر
فلا تقبل
لكن لو انت ماهمك الشكل كتير
اقبل وبتبقا تعمل ريجيم
يعني لا تدق عالصغيرة والكبيرة
وسيأتي يوم تشوف في بنت اول متشوفها تقول مش معقول هاي وين كانت من زمان؟؟؟
ادعو الله
والاهم لاتتشائم ولاتتوقع الفشل
بالنهاية انت شاب وبتتزوج يعني تتزوج بإذن الله
انت بتدور لما تزهق
مش متل البنات بنتظرو العريس في بيوتهم
ولما يجي ياعالم يكون منيح او لا
اما انت شاب وبطلعلك تدور عالبنات وقت مبدك
مهما حدث مابفوتك القطار
الشاب غير للاسف
دوما هناك من يرغب فيه
اما البنت في حالات ينفر الناس عنها العرسان يعني
بارك الله فيك
وزوج كل عازب وانسة ووفقهم لكل الخير والحب
تحياتي ،،،
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت