توني عروسه يا غمووووض؟؟ اااااااه ياليت الناس يسمعونك.. وانا في الحج دقت علي وحده قالتلي اناسالت عنك وقالولي لسه ما حملتي ايش سبب التاخير هذا؟؟ هههههههههههههههههههههه تخيلي بالله ؟ ما كنت اعرف اني مهمه للدرجه هذي والناس كلها تسال عني وتبحث عن اخر اخباري
احرجتني ماعرفت ارد في الاخر قلتلها الله ما اراد لكن الجواب ما اقنعها وقعدت تعطيني نصايح طووول بعرض لولا الله ثم اني كنت بالحج لكانت نفسيتي من جد خربت ذاك اليوم،، بس الحمدلله اني كنت بالحج واني كنت راميه كل امورد الدنيا ورى ظهري...
قبل اسبوع اجتمعت مع قريباتي بمطعم من زمااااااااااااااان ما شفتهم يا غموضه صرت انا شغلهم الشاغل اعطوني نصاااايح وحلول كل وحده عامله نفسها عرافة ولا دكتوره اللي تقولي ارفعي رجولك واللي تقولي ايام التبويض واللي تقولي روحي مرخي عند مراخه واللي وللي حسسوني من جد اني شيء خااااارق وخارج عن الطبيعه وانه وضعي جدا محزن وميئوس منه ...ولسه تقوليلي عروسه يا غموووض؟

على فكره ترى انا ماصارلي وقت طويل احاول الحمل ولا باخذ علاج لكن اللي كان مسببلنا عدم محاولات الحمل هو زوجي ربي يحفظه لي من كل شر ويجعل يومي قبل يومه كان عنده ظروف تمنعنا من الحمل الفتره اللي راحت ولاني كاتمة اسرار بيتي ولاني ماقدر اقولهم عن اسباب عدم محاولاتنا للحمل الكل يعتقد اني لي سنتين احاول ..عموما انا ترى من النوع القلوق والمتشائم هههههههه اتذكر ايام الجامعه كنت اطلع من الاختبار اقول انا اكيد رح انقص كثيييير واكيد رح ارسب لكن لما تطلع نتيجة الاختبار الحمدلله اكون جايبه كويس مش بطال عكس كلامي والسبب اني متشائمه ...اتفاءل بالخير لغيري لكن لنفسي دائما اقدم الشر...
تعرفي ضغط اللي حوليا يجعلني اتشاءم اكثير وفعلا يحسسني اني بورطه كبيره ماعرف متى اطلع منها...
تخيلي وحده قالت لماما خلي بنتك تروح تتعالج لاني ما اجيب اولاد انا كذا بنظرها ،، ايش دخلها هيا فيني احرجتني واحرجت امي مسكينه معايا..
تعالي اقولك كمان تتذكروا لما قلتلكم لما رحت سويت شعري، الكوفيرا قالتلي ام زوجك ما تضايقك او ترمي عليك كلام لانك ما حملتي للان ولك سنتين متزوجه؟!!
قلتلها لا وبععدين انا بس ليا سنتين متزوجه مش 20 سنه قالت لا سنتين برضه تعتبر طويله!!!!!!!!!!!!
يعني حتى الواحد لما يبغى يهونها على نفسه يلقى من يقفلها في وجهه .. استغفر الله العلي العظيم..

اما زوجي المسكين فانا اعترف اني كسرت مجاديفه وقيده خلاص عارف بقلقي وهو يمثل قدامي ويعمل نفسه مو مره قلقان لكن هو من جوى خايف انا عارفه كذا زوجي واعرفه ... قبل اسبوعين واحنا نايمين بالليل حسبت زوجي دخل بالنوم فطبعا اطلقت لدموعي العنان وصرت ابكي من الخوف والقلق لكن هو كفشني وشافني ابكي وطلع مو نايم زي ما كنت محسبه .. على طول عرف سبب بكائي وقالي زي كلامك غمووض انه دعينا في الحج وقاعدين نعمل بالاسباب والباقي على الله وقالي انه هو الان شايل هم وهو مش موضوع الاطفال،،لا ،، هو موضوعي انا وقلقي وخوفي وكيف رح اتصرف في الفتره هذي...

يوه يا غمووض للمره المليون عرفتي تسحبي لساني واطلع اللي في قلبي خليها على الله وعلى الله توكلناااا...

__________________