هلا حبوبو عندي موعد بعد شهر بس باروح دكتور خاص بعد مااخلص هالاسبوع في المرة السابقه قالوا عادي مع ان حملي كان مع نزول دم...وان يصير مع البعض وتوكلت على الله...بس شهر ونص ونزل الجنين في البيت.... بعد اربع شهور حملت وكنت حذرة في كل شي سبحان الله وصلت للثالث وقلت الحمد لله باعدي رحت الموعد الصبح وتطمنت على الجنين وكل شي كان تمام ورجعت الظهر اذكر كنت امزح مع زوجي واضحك عن البيبي وشنو بنسوي واخطط اروح معاه خاص لين دخلت الرابع علشان اعرف نوع الجنين سبحان الله المغرب نزل علي دم فجاة قلبي وقف ....رحت المستشفى قالوا البيبي نازل تحت وعطوني حبوب تثبيت المسافه بين البيت والمستشفى فصخت عباتي حسيت به نزل وشفته للمرة الثانيه الحمد لله اخت زوجي معاي في البيت لان كان معاي نزيف واتصلت على زوجي واحتجت نقل دم...الحمد لله الحمد لله الله لايحط احد في هالموقف لاني مجربته واحس بغصه واليوم طالعه من المستشفى وصياح ....ودي امسك نفسي بس مااقدر