صباح الخير
السلام عليكم ورحمة الله وبركاته
أيه أحساسكم لما الواحد يصحي يتهزأ علي الصبح و هو لسة بيشرب الشاي ؟
أرجوكم اسمحوللي بموضوع واحد أفضفض فيه زي ما أنا عايزة
أمي هزأتني علي الصبح
لسة بكلمها علي العريس اللي جيه من يومين
قالتللي
أنتي مش عايزة تتجوزي عايزة تفضلي كدة تاكللي و تنامي ، انا مش حفضللك طول العمر ، الأنترنت ده خربللك مخك ، أنتي مش عايزة تتحمللي المسئولية
المهم أنا قلتلها أن العريس ده مينفعش هيا مش مقتنعة
حكاية العريس ده ايه بقي
جات أمه و شافتني و انا فرحت طبعا قالولي أنه مطلق قلت مش مشكلة
المهم جيه بعد يومين و شاف وشي قاللي أنا مطلق مرتين طبعا أتغظت و أتصدمت
و أتنكدت
في الزمن ده مفيش واحدة بتسيب جوزها ألا أذا كان ميطاقش العيشة معاه خالص
وده مش واحدة سابته دول أتنين
طيب و انا أخده بقي و اعيد المشاكل تاني
امي تقولي ل أحنا سالنا عليه وطلع كويس
قلتلها ما أنتم سألتم علي طليقي قبل كدة و قالوا الناس عنه كويس
المهم بعد كدة هيا بردة مسكتتش و قاللتي قال روحي أنزلي صبحي علي جدتك
قلتلها لأ كفاية عليا كدة أنا ناقصة جدتي حتكمل عليا هيا كمان
و الحمد لله عدي الصبح ده علي خير
و لا أيه رأيكم يمكن أمي عندها حق ؟؟
__________________
انا 
منتدي عالم الأسرة و المجتمع
التعديل الأخير تم بواسطة جويرية22 ; 18-01-2008 الساعة 10:02 AM