الله يسعدك يا غموض فعلا كلامك صح 100% انا بنعمه كبيره اللهم لك الحمد والشكر على نعمك التي نعمتني بها حمدا كثيرا طيبا مباركا كما يليق بجلال وجهك الكريم..
لكن الشيطان اللعين قاعد يحاول يعمينا عن النعم اللي احنا فيها وما يخلينا نشوف الا الشي اللي فاقدينه وان شاء الله ماحنا فاقدينه جاااااي باذن الله في الطريق تحت حفظ ورعاية الرحمن..
غموضه حبيبتي انا ما باخذ علاج لسه تو الناس عليه ماشاء الله انتي وعشوقه خليتوني اتعالج واعمل اشعة الصبغه والله يستر بعد كذا حتخلوني اعمل ايش ،،، زوجي يقول ما نبدا مع الدكاتره الا لما نكمل سنه كامله محاولات وتنتهي بالفشل اما انا عاطيه نفسي فرصه الين شهر 6 ميلادي اذا ما الله اراد رح اجبره غصب نروح نراجع الدكتور ،،،قولي امين ( ان شاء الله ما احتاج لا لعلاج ولا لصبغه ويكرمني ربي من اوسع ابوابه عاجلا غير اجل) ..

اما عن اختك فانا ما الومها امنتكم امانه ما تضايقوها ولا عاد تمزحوا معاها بالموضوع هذا الله يرضى عليكم .. الله يفرج همكم وهمنا يا غموضه ونولنا المراد عاجلا غير اجل..
والناس خلاااااااااااااص انا رميتهم ورى ظهري من زمااااااااان لكن كلامهم زي السيف على قلبي مهما طنشت، تصدقي اقولك سالفه قبل ما اتزوج كانوا يتصلوا على امي يقولولها : كريستالا ما انخطبت؟؟؟ واذا قالتلهم لا يسالوا بكل عبااطه : ليييييييييييه؟؟؟
شوفي الاستهبال بس..
ولما انخطبت وخلاص جا وقت الزواج والله ولا احد ساعدني منهم ولا احد قالي تحتاجي نساعدك بشي... بس كانوا فالحين اول يدقوا تلفون ويتلقفوا ولما صار الموضوع كلهم اتهربوا..
والان نفس المسرحيه بتتكرر بس الحين صار سالفه جديده غير الزواج يسالوا عنها وهي الحمل طبعا ..

خليها على ربك ..توكلنا على الله..

__________________