اختي اسمحيلي اقولك

شعور جميل منك انك ماتبغين تضيقين صدره

لكن الكبت هو الي وصلك لهذا الوضع


من الآن اختي غيري حياتك

في حال انك تضايقتي منه او تضايقتي من شي معين وضحي له وبيني له ولا تسكتي بس يكون الوقت مناسب وبهدوء

ادخلي شعور الفرح والتجدد والبهجه في حياتك في هذه الحاله بتكونين عون لزوجك في الغربه وليست بالكبت

طبخه جديده

تغيير في ترتيب غرفة النوم

تغيير في غرفة الجلوس

لعبه عائليه ممتعه (انتي وزوجك وبنتك)

لا تنتظرين منه هو الي يبدا

ابحثي عن كل ما هو جديد ويدخل الفرح في نفس زوجك وانتي اعرف بزوجك

اي شي في خاطرك قوليه بس تخيري الوقت المناسب



وبالنسبه لوالديه الواجب عليك انك تكلمينهم كل فتره وما تنتظرين منهم الاتصال

عوديهم زي بنتهم

في حال تعبتي لاسمح الله يبان هل هم مهتمين بك او لا

اما وانتي بصحتك وعافيتك فالواجب عليك بالتقرب لهم والتودد

ونفس الشي لاخواته الكبار بس مو كل مره تكلمين والدينه تكلمين اخواته يعني كل فتره

وراح يشوفون هالتصرف الحسن منك ويقابلونك بالمثل

وبيصير لك معزه انتي واولادك على حسن التعامل معهم والاهتمام بهم


وقبل كل شي عليك بالدعاء وتطلبي من الله يعينك ويشرح صدرك ويسهل عليك في كل امورك


والله يسعدكم ويهنيكم ببعضكم دنيا وآخره

ويرزقكم بأخوه لبنوتتكم وبرها وبر اخوتها