المشاركة الأصلية كتبت بواسطة dand00n

بسم الله الرحمن الرحيم
بداية ألف مبروك الزواج.. إنتوا لسا عرسان جدد الله يهنيكم ويبارك لكم في زواجكم ويرزقكم الذرية الصالحه

الرجل قد يجامع زوجته وهو لا يحبها.. لكن اللي يتكلم عن زوجته بهالأسلوب وهالطريقه الجميله ماااااااااااافي مجال.. أكيد يحبها ..
لكن الشي إن سبحان الله فطرة الرجل وطبيعه غير عن المرأة.. وهو اللي يخلق هالحساسيات:
لأن الرجل إذا أحب المرأة تعبيره عن هذا الحب يكون بالجماع أو الممارسة الجسدية..
لكن المرأة إذا أحبت.. فتعبيرها عن حبها يكون بالرومانسية ومراعاة زوجها وتدليله بكلمات الحب واللمسات الحانيه..
وهذي فطرة في الرجل والمرأة واللي ما يستوعبون هالموضوع ويقتنعون فيه يصير بينهم شوية خلافات في الرأي وهي بإذن الله لا تفسد للود قضية..
والموضوع مو موضوع إنك متزوج جديد لأن بعد شهر تخف الرغبه في الإكتشاف.. لكن واضح جدا إن في حب بينكم والله يديمه عليكم ويحفظكم..

**همسة في أذن الزوج:
من الممكن أن يكون الوضع نتيجة للحمل، ففي نساء مع الحمل أو أوائل شهور الحمل تخف رغبتها.. فلازم تراعي هالشي.. وعادة المرأة بعد الولاده أو في أواخر شهور الحمل.. يرجع لها المزاج مثل أول و أكثر..
حاول إنك تعبر لها عن حبك في غير أوقات الجماع عن طريق نك تهديها أشياء بسيطه مثل باقة ورد أو تكلمها كلام حلو.. ومافي داعي يكون عقب هالشي جماع، حى تحس إنك سويت هالشي مو بهدف الجماع ولكن تعبير بشكل آخر عن حبك لها.. وإذا سويت هالشي بتكونوا كل وحد منكم أشبع رغبته هي أشبعت رغبتها النفسية عن طريق إنها تسمع زوجها يقول لها كلام حلوو ويدللها ويدلعا وصدقني هالأشياء تسوى الدنيا ومافيها عند المرأة.. ومنهاتكون أنت أيضا أشبعت رغبتك وحبك لها.

الله يتمم عليكم السعاده.. ويحفظكم