صباح الخيرات على احلى بنات

الزاجلة الحمد لله على سلامتك و الحمد لله انك عرفتى ايه السبب و ان شاء الله الدكتور يخلى باله المرة الجاية و ان شاء الله تكون قريبة جدا و اقرب مما تتخيلى

غموضة الجميلة ان شاء الله ربنا ينولك كل اللى تتمنيه بأذن الله و تزورى الشانزليزيه و جورج الخامس و السادس كمان و ربنا يسعد ايامك كلها بأذن الله
و انا الحمد لله على الرضا و ربنا يسامحنى على كمية اليأس الكبيرة اللى كنت فيها

ميا حبيبتى انا عارفة انك ميأستيش و الحمد لله بس احنا كلنا جنبك فى اى حاجة تحسيها و نحب نسمعك جدا انتى و اى اخت لينا انا فعلا لما فضفضت بكل اللى فى قلبى همى بجد انزاااااح و حسيت بعد كام يوم كدة انى ابتديت ارجع لقواعدى و الحمد لله على كل حال

الزرافة شفاكى الله و عفاكى انا بصراحة معرفش حاجة عنه بس اعرف انه مش عائق كبير ضد الحمل عشان فى ستات بتكون بترضع و بتحمل برضو ربنا سبحانه و تعالى اذا اراد شئ يقول له كن فيكون

اندينا سلامتك الف سلامة و يا سيتى دى فرصة انك تدلعى زوجك و تزيدى اهتمامك بيه اكتر و اكتر و تكون الاجازة دى شهر عسل جديد ربنا يسعدك و يحلى ايامك بأذن الله و ان شاء الله نتطمن عليكى لما تروحى المركز و ان شاء الله يكون لك خير بأذن الله

الفراشة الجميلة ان شاء الله ان شاء الله تكونى حامل بأذن الله و تفرحى قلوبنا كلنا و مثبتات الحمل هى برضو اللى حتنزل الدورة اذا مافيش حمل بس بأذن الله يكون فى حمل ياااااااااااااااااااا رب يا رب و يا جميلة استحملى المغص شوية لحد لما نفرح بقى

مشاميشو ربنا يكرمك انا بجد نفسى قوى اشوفك لما راجع الكويت انا حاروح اول فبراير دبى زيارة لناس هناك و حرجع منها على الكويت فى عيد الاستقلال انا مش عارفة ممكن اشوفك ازاى بس انا نفسى قوى اشوفك
على فكرة انا ابتديت جلسات علاج طبيعى عشان ظهرى ، انتى عملتى ايه فى موضوع ظهرك ده و نزلتى الشغل ولا لسه يا رب يطمنا عليكى بأذن الله

رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة