منتدى عالم الأسرة والمجتمع - عرض مشاركة واحدة - عاشقات حلم الامومة (ديسمبر 2007

23-01-2008, 01:29 PM

#809

mashamesho

عضو مميز

تاريخ التسجيل: Dec 2006

المشاركات: 1,121

الزاجله الله يجمعك بزوجك علي خير يا رب ويعوض صبركم في القريب العاجل اما بالنسبه للهديه مبدئيا روحي قبل ما تروحي البيت لكوافير اعملي تغيير حلو ووصي علي تورته علي شكل قلب وحطي عليها صوره عرسك بتكون مفاجئه حلوه وزيني البيت بشموع حمرا وجو رومانتيك وهاتي بيرفيوم حلو جديد أنا بموت في العطور ولفيها في تل احمر واليكي هذا الرابط من منتدانا الحبيب لعله يساعدك
http://www.66n.com/forums/showthread...=149692&page=2
ويا رب افكارك تكون نالت اعجابك وتعجب زوك أيضا وبلغينا عملتي إيه

ميااااااااا ربي يسعدك ويديكي ما تتمني قولي آمين

فوفه اخت محمد أهلا بيكي معانا ويارب يديكي اخت لفاطمه في القريب العاجل

فلور ازاي أحوالك يا رب تكون تمام وبرزقك الذريه الصالحه

عشوقه فينك النهارده متأخره علينا ليه لعل المانع خير يارب ربنا يرزقك بالمهدي وماجده في بطن واحده

كريستلا يا رب يرزقك بنت قمر شبههم بس اوعي تخبيها جوه الدولاب عاوزين العرسان يشفوها ويتهبلو عليها عشان نفرح بيها أحلى عروسه

ماسا يا حبيبه قلبي ربنا يحفظلك زوجك ويديم حبكم لبعض خدي بالك منه وريحي نفسيتك بلاش تنكدي علي الراجل خليكي فرفوشه وسيبيها علي الله وربك هيفرجها من عنده انعمي بحب زوجك ليكي ومتخليش تأخير الحمل يأثر علي سعادتك وتضيعي عليكي أيام حلوه من الحب ان شاء الله لما ربنا يكرمك بالذريه مش هتلاقي وقت تعيديها والله يا حبايبي احنا في نعمه كبيره مش حاسينها المشكله اللي احنا فيها قربت بينا وبين أزواجنا كتير خلت قلوبهم علينا اكتر ياما في زوجات عنهم بدل الطفل و2 و3 وبيتمنو يوم واحد حلو من الايام الجميله اللي احنا عايشنها او كلمه حلوه زي اللي قالهالك جوزك ربنا يتم علينا تعمته بالذريه الصالحه عيشي احلى أيامك

اندين حاسه انك هتفرحيتا قريب أن شاء الله

فراشتي الجميله سلامتك يا قلبي الف سلامه يا رب خير إن شاء الله وتفرحيينا وتحققي بشره مشاميشو ليكي وتقوليلي يا مشموشه طلعت حامل وما تشوفي الدوره الا بعد 9 شهور

الزرافه ربنا يعوض صبرك خير ويرزقكي من حيث لا تحتسبي

برشا انتي كمان صوره الولد الي انتي حاطاه يهبل إذا ربنا كتبلي حمل لو بنت حتوحم علي صوره كريستالا ولو ولد هتوحم علي صورتك فظيييييييييييييعه يااختي جميله

حلمي قريب والله وحشتينا ازي احوالك وايه اخبار رحموني طمنينا

اميره الشوق ربنا يرزقك من حيث لا تحتسبي

غلا جلاجل ايه اخبار ابنك يا رب يرزقك ما تتمني

كوكاره فينك يا قمر مصر وحشتيني ملهوفه علي مقابلتك ربنا يجمعنا علي خير

اخواتي الحوامل ربي يثبت حملكم ويرزقكم الاطفال الطعمه صالحين بارين أصحاء
باقي اخواتي لكم حبي جميعا اللهم هب لنا من لدنك ذريه طيبه انك سميع الدعاء