ياأخي تقول انها في غرفه وحامل فراع غربتها ولاتنسى المثل اللي يقول: ( الغربه كربه )
انا ماراح اقول هي غلطانه او انت غلطان لان احنا مانسمع الا من طرف واحد وهو انت ويمكن لو سمعناها غيرنا راينا فيك
وبعدين انت معترض انها رفعت عليك قضية نفقه ليش انت قاطها بيت هلها بدون نفقه !!
المفروض تنفق عليها وماتخليها بيت اهلها بدون نفقتها لانك زوجها وملزوم فيها

فنصيحتي لك كونها تطلب نفقه لها فهذا شي طبيعي كونك مقصر عليها وتاركها بلا نفقه حتى لو غلطانه
وكونك ترفع عليها قضية طلاق فانت بعد غلطان وراح تفتح عليك باب مشاكل ولاتظن انك اذا طلقتها بتنقطع نفقتها بالعكس بتم وخاصه انه بينكم طفل ولازم تنفق عليه وعلى امه
اذا انت ماتبيها فقوم بواجبك معاها بكل النواحي ولا تقصر معاها في نفقتها
وبعدين اذا حسمت الامر وماتبيها ممكن تطلقها بالمعروف وتقولها مثل مادخلنا بالمعروف نطلع بالمعروف
ومافيها شي لو رحت جبتها اعتبر انك ماخذها من اهلها كمحرم لها وبعدين انت غلطت فيها مديت يدك عليها وهي وان بدت فيك ورمتك بغرشه الماي فهي تظل حرمه وانت اقوى منها والمفروض ماتمد يدك عليها علشان حركتها هذي يكفي تعصب عليها او تهجرها او توديها بيت اهلها تتأدب وبعدين تجي تاخذها لانقص منك لا يد ولا رجل ولا تخلي الشيطان يلعب براسك
ترى كلنا مرينا بمشاكل عويصه وكان الطلاق غاب قوسين او ادنى
الزوجه تطلب الطلاق واهلها يشجعونها والزوج يفكر يكسرها ويتزوج عليها واهله يشجعونه شي معروف ومتكرر في اول خلاف كبير للازواج
وصدقني بعد العتاب واللوم الكبير اول ماتقعدوا مع بعض لوحدكم وتتقابلوا بالعيون وحتى وهي توها في بيت اهلها راح يدخل الله في قلوبكم الود والسكينه والحب بدال الكره وبتنسى كل شي وبتحس بشوق وحب كبير لها

ونصيحه مني لك بماء الذهب .................!!
اسأل رجال مطلقيييييييييييين ومروا بمشاكل قبل الطلاق واستفيد من خبرتهم وتجاربهم صدقني هم بس اللي بيكونوا صادقين معاك وجوابهم حكيم لانهم مروا بالتجربه اللي مريت فيها
وانا اعرف كثير تطلقوا وندموا وحسوا انهم تهوروا واستعجلوا بالطلاق
وبعد خمس او ثمان سنين رجعوا لبعض لان بينهم طفل او طفلين مع انهم تزوجوا على حريمهم في لحظه الغضب

__________________