فلنحمد الله .. إنظروا ماذا رأيت في المستشفى اليوم ..
السلام عليكم ورحمة الله وبركاته
اليوم كان عندي موعد في المستشفى .. المهم وأنا في الإنتظار
كانت تجلس بجانبي إمره وبيدها مولود صغير جدا جدا
شكله حديث الولادة
وأنا بصراحة أموت على هذا العمر
سلمت عليها وسألتها... ماشاء الله كم عمر المولود ؟؟
قالت لي: 15 يوم
يووووووه صغير مرة مرة
فقلت لها ولد ولا بينت ؟؟
قالت ولد
قلت : الله يخليه لك
إيش سميتيه ؟؟ ..( طولت بالها علي لو أنا كان قلت لها خير الكاميرا الخفية ولا إيش )
قالت : سميته أسامة
الله يعجبني الإسم هذا
فسألتها قلت لها بس ولدك مرة صغير كم وزنه ؟؟
قالت كيلو و800 جرام
وهنا قالت لي الخبر الصاعقة
اللي قلب كياني
قالت لي ترا ولدي ما يشوف
فقلت لها أكيد............ لأنه لسه مولود
قالت لا ولدي بدون عيون
قلت إيييييش !!!
والله حاولت أتمالك نفسي .. قلت لها ما فهمت يعني
قالت عنده بس جفون وجوا مافي عيون
سبحان الله يا أخوان ويا أخوات سبحان الله أول مرة في حياتي أشوف كذا
تقول إنه لما يبكي تطلع له دموع بس أبدا ما يفتح عينه
يا الله ... لله في خلقه شؤؤوووون
فسألتها طيب إيش السبب ؟؟
قالت لي لما كانت حامل جاتها جرتومة القطط
سكت أتأمل الرضيع ... وبعدين ما أعرف ليش جا على بالي هذا السؤال
أتوقعت إنها متزوجة ولد عمها .. فسألتها قالت نعم
زوجي ولد عمي
فقلت لها إجل يمكن هذا السبب
وبعدها تدرو إيش قالت لي ...
قالت هذا رابع ولد وكل اللي قبله كذا
الأول مات وعمرة سنتين
والثاني أعمى تماما
والثالث عنده عين وحده
وهذا الرابع
ما أقول إلا الله يفرج همها وييسر أمرها
إدعو لها الله يجزاها بالأجر على قيامها على الأولاد
وماشاء الله وهي تتكلم معاي حمدت الله أكثر من مرة
وكل شوي تقول الحمد لله بس عيونهم ... وكأنها تحمد الله على باقي الأعضاء إنها
سليمة
التعديل الأخير تم بواسطة سمو الأميرة ; 26-01-2008 الساعة 11:21 PM