و عليكم السلام ورحمة الله وبركاته

ماشاء الله تبارك الله يا أخوي و الله يبارك لك

بأجاوب على حسب تجربتي و خبرتي البسيطة

1 - الأشياء المهمة ، هي الأجهزة مثل المكيف و الغسالة و الكنبات و الستائر
و السرير و المكنسة كهرباء و اللي تجهزها بعد العرس فمثل الأباجورات أو مكتب
أو أدورات التنظيف و اللوحة

2 - الأغراض الشخصية المهمة و اللي تحتاجها دايم و جهزتها يوم سفرنا أنا و زوجي
لشهر العسل و حاول إنها تكون صغيرة و خفيفة ، مو تاخد أحجام كبيرة ؟
و تعتمد على الدولة أو المدينة اللي إنتوا مسافرين لها و كم المدة ؟

و هذه أهم الأشياء ( منشفة للإستحمام ، مناديل ، صابون و شامبو و فرشاة و
معجون أسنان و موس للحلاقة أو ترتيب الذقن ، عطر ، كم حبة عود للأذن ، شبشب
الله يعزك و جزمة سبورت إذا بتروحوا للبحر ، شورت للسباحة إذا رايح للبحر ، كاميرا ،
تراها لحظات ما تتعوض لا تنسى كاميرة الفيديو و شاحن الكاميرا و الجوال ،
في سفري دايم أشيل معايا مصحف صغير ، نظارة شمسية إذا تحتاج لها ،
بنادول إذا أحتجتها لا سمح الله ، سراويل قصيرة و كم ثوب و غترة أو بدلة ، و تعتمد
على حسب كم يوم بتجلسوا ، مثلا 5 أيام ، فتاخد ملابس داخلية على عدد 5 أيام
و تزود وحدة كمان ، و جوراب الله يعزك )

3 - أعتقد بالنسبة للرجل فـ .. ( لأ ) ..

4 - إذا قدرت تمسك نفسها و تحافظ على وضوئها من قبل وضع المكياج و حتى بعد
العرس ، فتصلي بالمكياج .. لكن لو أتنقض وضوئها ، فبالتأكيييييد لازم تزيل المكياج
و للأسف ، كثير ناس تجهل الأمر هذا أو إنها تهمل فيه و تصلي بالمكياج ؟

و إن شاء الله أكون قدرت أفيدك