,
,
وعليكم السلام ورحمة الله وبركاته ومغفرته ..
بارك الله لك وبارك عليك وجمع بينكما في خير ..
,
,
1- طبعا هذه الأشياء ( غرفة النوم ومجلس النساء وغرفة الجلوس والمطبخ كلها قبل العرس )
لأنك ستحتاج لها طبعا ..
ثم أنك بعد الدخول راح تكون مشغول ومو حلو إنك تطلع عشان تجيب أغراض محتاجها وتفتر واجد ..
يعني غرفة النوم : السرير ولوازمه ( مخدات - لحافات - شراشف وخذ أكثر من واحد عشان تغير ترا التغيير حلو - مخدات )
أيضا : أباجورات - وزولية إذا كانت الشقة سيراميك - وشراشف للكبت الي توضع على الأرفف )
وغير الشرير أيضا عندك الكبت والتسريحة والشفونيرة إلي هي أرفف بس ..
وبعدين المطبخ : عندك الثلاجة والبرادة , إما أنك تشتريهم أو أحد يجيبلك إياهم هدية ..
أيضا : العصارة والخلاط والجولة والمايكرويف .. ولوازم المطبخ , صحون وصواني وكلاسات وغيره كثير معروفه ..
وهذه الأفضل أن تذهب انت وزوجتك تشتروها حتى تعرف الزوجة ماتحتاجه ومالا تحتاجه ..
مجلس النساء : الكنبات, الطاولات , لوحات جميلة تعلقها , وزولية ..
مجلس الرجال : أجله شوي عشان محد يغثك ويجيك 
واذا سئلك أحد كله مو خالص والله ..
غرفة الجلوس : الكمبيوتر وطاولته , طاولات صغار للعصير , طبعا ماراح أقول تلفزيون ورسيفر لأني لا أنصح بوجودهما ..
,
,
2- لليلة الدخلة : ملابس داخلية ( جديدة ) , شورتات أو كما يسمونها ( بوكسر ) , تي شيرتات , روب السباحة , عطورات , كريمات للجسم ..
للسفر : الفوط , والملابس الداخيلة , والبدلات الشبابية غير الدشداشة والغترة , وأدوات الاستحمام , والجواز والحجز 
,
,
3- نعم يزال هذا الشعر للنظافة ..
وطريقة إزالته بالموس ( مع الصابون ) أو مكينة الحلاقة ( تكون المنطقة ناشفة ) ..
,
,
4- إذا كانت على وضوء تصلي ..
أما إن لم تكن على وضوء فلازم تتوضأ وأكيد راح يخترب المكياج ..
,
,
التعديل الأخير تم بواسطة ( أبوفلان ) ; 28-01-2008 الساعة 01:04 AM