الاخ نايف
اولا مبروك والله يوفقك لكل خير
(واتمنى انك تعذرني على اللهجه والاسلوبفي الرد هذي قدراتي)
نبدا من البدايه من راي اهلك...ربماكلام اهلك عن خطيبتك يوم قالوا لك انها عاديه هو اثر فيك وحسيت ان اهلك ماختاروا لك البنت رائعة الجمال..وهذا الكلام انعكس على احساسك وانت رايح تشوفها وعارف انك مابتلقاها ملكة جمال مثل ماكنت تحلم
واحب اقولك داما النساء مايعرفون يقيمون النساء يعني تشوف وحده جمالها يهبل وتسال اختك تقول مو صح حلوه تقول لك عادي موب بالحيل
وخذ هالقصه
هذي قصة شاب شاف اخت صديقه واعجبته مرره وقال لاهله ابي اخطب اخت فلان وماعلمهم انه شافها وقال لاهله روحوا شوفوها
وراحوا اهله يوم رجعوا قال هاه اشلون البنت حلوه والا؟؟قالوا خواته عاديه موب لها الدرجه قام قال لاهله الحمد الله اني شفتها قبل مارسلكم والا لو معتمد على كلامكم كان مهون..
نجي لناحيه ثانيه ياخ نايف الي هي:
اكيد لمن شفت خطيبتك شفتها نظره شرعيه يعني لابسه شيلها ومو حاطه ميك اب وبالشوفه الشرعيه رايك انها جميله بس مو بالمره فانا اقول لك خلاص اعتبر زوجتك جميله ومن الجميلات واحمد ربك الي جاك جمال واخلاق ودين يعني لما تلبس شي شيك وتحط مكياج وتفك شعرها بيتغير شكلها بالحيل وتصير جميله
وبالنسبه لانك تشوف انك اقل من زملائك فيمكن زوجتك تكون احلى من حريمهم بس هم احسن منك راضين بنصيبهم
وانبهك من انك تتركها لانك بتكون ظالم محد بيقول تركها عشان مو حلوه الناس بيشكون فيها وبتاخذ ذنبها ويمكن ربك مايوفقك
ولاتقعد تتشرط بالجمال ولد خالي كان يخطب وكل ماراح يشوف له بنت تركها يبي احلى وفي الاخير اخذ له وحده يارب لك الحمد ...طبعا حنا مؤمنين ان الناس اجناس فيه الزين وفيه الشين..انتبه لا ياخذك ربي بذنبها هذا لو تركتها
واخيرا اخي
كن جميلا ترى الوجود جميلا
وهذا يتمثل في نصيحة امي لاخواني وخواتي قبل الزواج
امي الله يحفظها تقول جمله وحده ولاتكثر عليها
سعادتك بيدك..لو تبي تكون سعيد تغاضى ولو تبي تكون تعيس دقق على الامور ترى ماحد بيتعب غيرك..والناس عايشه حياتها بسهاله اهم شي التفاهم
واخيرا اخيرا
عليك بالدعاء لنفسك بسعادة الدنيا والاخره
بارك الله لك وعليك وجمع بينكما في خير
والله يوفقك ويسعد ايامك.