السلام عليكم
لو تسمحيلي اضيف من افكاري
عندي أفكار انا اعمل بها ممكن تساعدك لو إنتي لسه عروسه
مثلا كل جمعه احط في الفرامه طماطم و ملح و بهارات و صلصه المقادير إلى نحتاجها في كل طبخه و احطها في أكياس كل يوم بيومه يعني كل كيس يكون فيه مقدار طبخه و احطها في الفريزر
و اللحوم كذالك اقطعها صغار و احط كل مقدار طبخه في كيس و بكذا لما اطبخ اطلع الطماطمالمفرومه و اللحم من الفريزر تفك ثلجها من بدري
و الرز اوزع كل كوب رز طبعا إنتو على حسب حجم العائله في كيس و اقفل الكيس و احطها في علبه يصير كل مره اطلع كيس افكه و احط
و بالنسبه للمكنسه الكهربائيه انظفها كل شهر و اغسل الكيس بديتول الليمون حق الأرضيات و ارجع اركبها و كل مره اكنس تطلع ريحة الديتو من المكنسه تفوح الريحه
و أكياس النفايات الله يكرمكم انا ايضا كل اسبوع احط في قاع السله 7 أكياس مطبقه نظيفه و احط عليهم كيس إلى راح استخدمه و بكذا اشيل الكيس المستعمل و احط كيس جديد من إلى في قاع السله