السلام عليكم

عندي مشكلة من امس مو عارفة انام او ارتاح وابي نصيحتكم فلا تبخلون علي بها

خطيبي من امس متغير علي مدري ايش صاير له مكالمته البارح كانت جافة جدا وماله خلق يتكلم ومايقول كلام حلو مثل ماهو متعود في مكالماته والصبح اليوم ارسل لي يصبح علي مثل كل يوم لكن رسالته كانت جافة وكأنه كاتبها تأدية واجب فقط لا غير وانا مو عارفة ايش فيه .. وأرسلت له مسج كتبت له " أختار لي لقب " تخيلوا رد علي قال ماعندي لقب محدد

من جد محتارة مو عارفة ايش صاير ولا كيف اتصرف ..

فيه حاجة صارت امس العصر انه ارسلت له رسالة بالغلط كان المفروض تروح لصاحبتي لكن وصلته بالغلط وهو انه صاحبتي كانت ترسل لي من جوال اختها وانا مااعرفه وبعد ماعرفت انها هي كتبت لها ( اعرفك ) وارسلتها لكن بالغلط راحت لخطيبي وارسلت له بعدها مباشرة واعتذرت منه وانها مو له لكن لصاحبتي .. فارسل لي يقول وليه تقولين لصاحبتك عرفتك ؟ فشرحت له السالفة لكن نهاية الرسالة كتبت له ( أي استفسارات ثانية ؟ )

ولما اتصل بالليل مثل ماقلت لكم كان مو طبيعي مع انه ماتطرق لسالفة الرسالة لكن انا اللي فتحتها وسألته عنها وانا اضحك وجلس يقول اسمي بعيد عن اسم صاحبتك كيف غلطتي ؟ وماطولنا نتكلم فيها وجلسنا نتكلم بمواضيع ثانية

لكن كان جاف وكأنه يغصب نفسه ع المكالمة

ألحين انا متضايقة كثير ومو عارفة ايش الحل ولا كيف اتصرف معه ؟؟؟

على فكرة احنا مخطوبين بس مو مملكين