ربج كبير وكريم يا اختي وخلي الناس تتكلم لين ماتشبع صدقيني لو رب العالمين رايد لك انك تتزوجي الحين كنت تزوجتي ..

اختي خليني اقول لك اللي صار معاي عشان تعرفين انه الله يوم يريد الشي ييسره بس عليك بالدعاء ...

يوم خطبني زوجي " حاليا " .. ارسلت له صديقتي من تلفون زوحها ... لاتتزوج فلانه لانها تحب واحد وهي ماتبيك وكلام كبيرما ينقال ...

المهم القصة طويلة .. بس سبحان الله ربج كاتب انه هالزواج يصير ويدري انه خير لي وله .. والحمدلله الحين صار لنا متزوجين من سنتين والحياة عال العال ...

صدقيني يوم ربي يشوف انه هاي الوقت المناسب لزواجج بتتسير امور زواجك بشكل ماتتخيله ... والله انت فيك الخير طيبة وتخافين ربك وان شا ءالله ربي بيفرجها من عنده ...

مابي اقول لك لاتخلين الزواج كل همك لانه هذا حلم كل بنت ... لكن انتظريه واعملي له ... حسني علاقاتك بالناس .. واقري وتثقفي عن الزواج .. وادعي ربك ليل نهار ... وان شاء الله يارب تسمع خبر ملكتك قريييب يارب ... مافي شي بعيد على رب العباد ...

الله يفرج كل همومك يارب

اختك .. ام فطومه

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...