الله يسعد كل اوقاتك ام احمد
بقولك حكاية وحده ممكن انك تستفيدي منها وياريت تفهمي قصدي منها
لها ثمانيه سنوات في المعاناه ممكن البعض يقوول قليل بس للي بمثل حالها يشوفها مده طويله
ماخلت باب ماطرقته للعلاج لكن يشاء الرحمن انها تتترك العلاج بعد محاولة تلقيح فاشله وتعصب على حالها وصادف في
هافتره زواج اختها وانشغلت معاها من تحضير وغيره ونسيت امر الحمل كليا وبدون اراده منها وبعد مرور فتره راحت لحرمه
بعد ماتركت المستشفيات وبعد مارجعت من عندها واذا هي تفقد جنين وكانت بتجن من الصدمه بس عدت على خير
وهذا اعطاها حافز انها تكمل علاج وانه فيه امل انها تحمل واستمرت فتره لمدة سنتين تقريبا ولا فيه فايده وعملت عملية
تلقيح ولافيه فايده وتركت العلاج شهور وشاء الله انو يتزوج واحد من اخوانها وتنشغل معاه وكانت تتحرك وتسافر والمشكله
انه حملها مايبان عليها ولاهي عارفه انها حامل وحملت بفضل الله وماعرفت الا هي بتخلص ثلاث شهور وكان اول فرحه لها
وتركت التفكير وبعده باقل من سنه حملت لانها ما اخذت موانع لوضعها ورزقها الله وهي كانت تعاني من تكيس مبايض
مثل وضعك وجابت بعمليه كل اولادها وكشوفو عليها في العمليه وقالو مو شايفين اي تكييس بس كلها اسباب
خلي املك في الله كبير واشغلي نفسك بأي شئ طبعا مع الاخذ بالاسباب والله الموفق
معليش طولت عليك وان شاءالله مايقولو ان هالكلام مو بمكانه
تحياتي لك وبالتوفيق