اهل زوجي ماذا افعل معهم ؟
السلام عليكم.......
مشكلتي لها تقريبا سنه ونص وانا اعاني من اهل زوجي....
تعبت والله والله اني مظلومه....
التفاصيل كثيره بس الزبده من الاول صار بيني وبين اخته مشكله بسيطه الا تافهه...
بس والله علشان زوجي حاولت اقرب منها واعتذر وانهي الموضوع...بس السالفه صارت اكبر من اللي في بالي....
تصورو زوجه اخوه وبناتها سببوا لي معاهم مشاكل وطلعوا كلام والله اني ما قلته ظلموني والله احس اني بموت من القهر بس في كل الاحوال انا المكذبه وهم الصادقين البريئين ......
لان انا الصغيره والطيبه الغبيه اللي استغلوا طيبتي وعفويتي معاهم والله ما اكذب عليكم كنت اعد زوجه اخوه زي امي وبناتها زي اخواتي وصديقاتي....
كنا نسهر مع بعض لدرجه كانوا ينامون عندي ويقولون لي اسرارهم واشياء لوتدري امهم مصيبه....
بس كنت احبهم واخاف عليهم وكنت في محل الثقه.....
بس مدري وش صار والله اقولها صادقه اقلبوا علي وطلعوا علي كلام لدرجة زوجي المسكين قطع في اهله بسببهم....
بس مدري شسوي انا انظلمت وما اقدر ادافع عن نفسي حاولت بس هم مصدقينهم.....
والله اني كل ليله ابكي من القهر....
يارب تظهر الحق يارب تنصرني عليهم.........
قولولي شسوي....زوجي يقول طنشي بعدين بيطلع الحق وزوجي عارف اني مظلومه لان عمري ما جبت سيره عن اهله وامه وابوه الا بكل خير.......
كنت انا دايما اقول نروح لهم .....بس كل اللي سووه فيني ما فكرت افضحهم واقول بلاويهم.....
حتى ابوه قالوا اني قايله عنه كلام شين وزعل مني وماصار يكلمني ولا يبي حتى يشوفني.....
ويرسلون لي رسايل زي السم........
والله كل ليله ادعي ربي يظهر الحق انا مالي حيله هم اكثر مني تصورو اخواته وزوجة اخوه وبناتها كلهم علي.........
تكفووووووون ابغى بس تدعوووووووووون لي ان ربي يظهر الحق وينصرني عليهم.........
الاشراف / عفوا تم تعديل العنوان ليكون بالفصحى
__________________
سبحان الله وبحمده سبحان الله العظيم
التعديل الأخير تم بواسطة رقة ; 04-02-2008 الساعة 01:32 PM