ياناس نبغا افكار غير الاكل الجاهز واللبس الحلو !

انا مثلا اقولك فكرة حاولي باي طريقة تخلقين وقت خاص بيننكم تسولفون فيه بعيد عن الاولاد والهموم حتى لو كان قبل النوم على الفراش تكلمو عن ذكرياتكم وناقشبه بموضوع عمله اذا كان من النوع اللي يحب يتكلم عن شغله واذا كان مايحب تكلمي بمواضيع ثانيه يحبها..

حاولي مابين فتره وفترة تولعين فواحه بالغرفه وتجيبين زيت ريحته حلوة وتسوين له مساج قبل ينام انا شخصيا اسوي كذا لدرجة انه ادمن على المساج وصار كل يومين يقول تعالي سوي مساج

حاولي تخلين لكم على الاقل يوم في الشهر تطلعون برا البيت لحالكم بدون اولاد ولا خدامة ولا شي روحو كوفي شوب ولا مطعم واقعدو مع بعض قعده حلوة ترا هذي القعدات الهادية واللي تكون عبارة عن سواليف حلوة وذكريات بدون اي نقاش او كلام عن هموم او مشاكل تريح النفس وتصفي البال بشكل ما تتخيلينه..

حسسي زوجك بحاجتك له وبيني له انك ماتقدرين تعيشين بدونه بدون ماتقولينها صريح حسسيه بثقه بنفسه..

مافيه مانع تسافرون سوا حتى لو يومين وعيشو شهر عسل ثاني وقولي له كلام حلو ورومنسي في العمييق.. من وجهة نظري وفري الكلام الحلو للجلسات الرايقه والسفرات الهاديه وماشوف انك تقولين له كلام حلو كل يوم وكل وقت يصير عادي وماله طعم بس مافيه مانع من كلمة احبك او بوسة صغيره في لحظة صفاء او اذا جاب لك حاجة حلوة..

طبعا ما تفهمين من كلامي انك تكونين جافه دايما لا طبعا الكلام الحلو لازم يكون دايم على لسانك بس اقصد احتفظي بالكلام الرومنسي والذكريات الحلوة والمميزة لوقت الهدوء والصفاء عشان تعطي جو حلو..

اخر نقطه واهم نقطة الرجال من فتره لفتره يحتاج وقت لنفسه ممكن يدخل مكتبه ويقعد فيه ساعات يقرا او على النت الافضل تخلينه على راحته وماتضغطين عليه ممكن يمر بازمة في الشغل او حتى محتاج وقت لنفسه عادي اغلب الرجال كذا..
الزوجة الذكية ما تنشب لزوجها ولا تضغط عليه اذا حست انه يبغا يقعد لحاله توفر له الجو وتخليه بغرفته او مكتبه وتسوي له الشاهي والقهوة لحد ما يرتاح نفسيا ويطلع هو يدورها بنفسه..

المهم الموازنه بين الحب والثقل لا ترمي نفسك عليه بالمرة لان الرجال يمل من الحرمه اللي راميه نفسها ولا تثقلين عليه بالمرة تمللينه منك وتخلينه يدور غيرك ويارب اكون افدتك ..

__________________