لاترجعي خليج بيت أهلج كم يوم خليهم يحسون بقيمتج
انا مريت بمشاكل كثيرة مع اهل زوجي الطيبة والسكوت والتنازل ماتنفع ولاني مو ملسونه ومارد عليهم واصبر واصبر لين افقد صبري اروح بيت اهلي
وبعدين يحسون بغلطهم فيني ويعتذرون واصلاً ماكانوا يقدرون يقولون عني شي كنت احترمهم ومارد عليهم واكثر شي اسويه اصيح بغرفتي منهم
والزوج كان ايامها سلبي وايد عليه كلمة اصبري او يقول غصباً عنج مثل مايقولج زوجك
والا لو يجون بالسياسه ويقول كم كلمه حلوه ويصبر الزوجه ويسوي يدافع عنها بتذوب الزوجه بهالكلام وبتتحمل
لانه مافيه ومستحيل تكون فيه زوجه تخدم اهل زوجها غصب عنها وكأنها خدامه الا اذا كان وراها زوج دبلوماسي ولسانه ينقط عسل واللي مثله يخلي الواحده تتحمل العمر كله
وفي كل مره يرجعني زوجي يعتدلون معاي بس لاني طيبه واستحي من طيبتهم معاي واصير اطيب منهم فيظنون اني سهله ومايقدروني ويرجعون مثل قبل وازعل انا مره ثانيه صعب اتغير واصير عنيده وقويه وصعب هم يتغيرون وكان الافضل لي ولهم بيت مستقل
وانتي دام تساعدين ام زوجك وبناتها صدقيني بتتذكر لج هالمعروف وبتقول لزوجك رجعها وبتتعدل معاج
ولاتصدقين سالفة زوجه ثانيه انا سمعتها كثير وماشفت شي وتلاقيه قال لهم انج تشتكين منهم وتبين بيت مستقل فعطوه هالرد الجاهز
ومافي زوجه ترضى تكون خدامه الا بطيب خاطر منها وبعدين هو يقول مو قادر يفتح لج بيت ثاني يعني يقدر يتزوج ؟؟؟
فأنا اشوف انج ماتردين وتخلين اهلج يكلمونه ويرفضون اللي يصير لج ويطالبون ببيت مستقل وبعدين بيحاول زوجك يرضيج ويصالحج وبعدها انتي وافقي بس بشروط
ومنها مايجبرونج على الشغل واذا عندج مطبخ فوق ممكن تسوين لام زوجك شاي والا قهوه من مطبخج وتعطينها ومالج شغل بتحت ( خاصه وهم من النوع اللي اذا اكرمت اللئيم تمردا) ومن حقج يزورونج هلج ومايعترضون وانه يجيب خدامه للبيت وكل الشروط اللي تبيها وزوجك بيوافق ولا انج تطلعين بيت بروحج
وللعلم مو معناته انهم ماراح يتغيرون وانج مابتشتكين منهم بس على الاقل بتخف المشكله وبتكونين وقفتيهم عند حدهم نوعاً ما
وخليج مثل مانتي طيبه ولاتردين على ام زوجك ابداً
وانا كنت مثلج وعانيت وصبرت وتحملت وزعلت ورحت بيت هلي وتعدلوا وردوا اختربوا وزعلت ورحت بيت هلي ودواااامه طويله عريضه
بس عمري ماغلطت على أم زوجي هي تغلط ايه بس انا لا وسبحان الله انحسب لي هالشي ليومها تذكرني عند زوجي وبناتها وتقول بنت الناس قدرتني وقامت فيني احسن من بناتي
والحمدالله اللحين بعد ماكنت بغرفة صرت بفيلا كبيره وخدم وكل شي عندي
الصبر زين ياأختي وتحملي اهل زوجك وخاصه ام زوجك وترى على كثر ماتبتلين وتصبرين الله يعوضج خير بس مو معناته تسكتين على ضر دافعي على نفسج
والله يوفقج ويكتب لج الله اللي فيه الخير

__________________