منتدى عالم الأسرة والمجتمع - عرض مشاركة واحدة - عاشقات حلم الأمومه (فبراير 2008 -مارس 2008)

10-02-2008, 03:42 AM

mashamesho

عضو مميز

تاريخ التسجيل: Dec 2006

المشاركات: 1,121

حبيبتي زهور آمين يا رب ما اتم 27 غير وانا حامل وإن شاء الله هكون أما عن العمليه فكانت حقن مجهري وليس تلقيح يا ريتها كانت تلقيح كانت سهله كنت عملتها كل شهر

لكن الحقن مش سها ابدا محتاج مجهود جسدي وعصبي عالي لأن كميه العلاج فيه عاليه جدا في زمن قصير وانا حسيت ان جسمي اجهد فيه جامد وانا لسه عاملاه اغسطس اللي فات دا غير طبعا الكتاكيت (الفلوس يعني) وانا حاليا في الكويت وناويه اعملها هنا ان شاء الله عشان اكون جنب جوزي لإن المره اللي فاتت انا حسيت ان من اسباب عدم نجاحها عدم وجوده معايا طول الوقت وسفره قبل النتيجه تعبلي نفستي كتير واثر علي فقررت اعملها المره الجايه جنبه وهتكون إن شاء الله في الكويت ادا ربك ما امر بحاجه تانيه ولو علي انا نفسي اعملها النهارده قبل بكره وحاسه ان ربنا هيكرمني إن شاء الله بس الفتره اللي فاتت كنت بسترد صحتي عشان اقدر اعيد الكره من جديد دا غير ان احنا كان علينا شويه ديون الحمد لله ربك قدرنا علي كتير منها وباقي منها القليل واول شيئ في ترتيبي ادا ازن ربنا هي العمليه ادعلي ربنا يفرجها واروح اعملها الصبح وبيني وبينك بمني نفسي وبتلكك في التأخير وبقول لنفسي يا بت يمكن ربك رايدهالك من غير وجع قلب اصبري يمكن الفرج يجيلك من كل ناحيه وبدعي ربنا ما يحوجني لطبيب غيره غير لمتابعة الحمل والولاده ان شاء الله قولي يا رب وثقتي في الله ليس لها حد حتى اني اصبحت هادئه النفس ربي يديمها علي نعمه ملهوفه وهتجنن علي طفل اضمه في حضني ويكون ابني المسه املي عيني منه احط علي خده بوسه بالدنيا كلها لكن الحمد لله ربنا منزل علي سكينته وبدعيه يديمها علي نعمه ويعوض صبري خير ويرزقني ويرزق كل البنات يارب وكل مسلم ملهوف يااااااااااه يا زهور طلعتي من جوه قوي بس الحمد لله على كل شيئ وانا راضيه كل الرضا وحامده وشاكره ياما ناس عندهم اولاد وولادهم كانو نقمه في حياتهم وبلاء لهم أو عندهم مشاكل كبيره مع ازواجهم وتمنوا انهم بدون اولاد كي يستطيعو ان يعيشو دون ان يظلمو اولادهم والحمد لله ربك انعم علينا بالزواج من زوج حنون يحبك ويخاف عليكي في زينا كتير ولارزقو بالزوج وبالتالي ولا بالولد ربنا يرزقهم جميعا واولهم حبيبتنا غموضه واخواتها وجميع شباب المسلمين وغيره وغيره وغيره فالحمد لله حمدا كثيرا طيبا كما ينبغي لجلال وجهه وعظيم سلطانه وشكرا لكي يا طيبه من حين الي حينن يحتاج الانسان ان يخرج ما في جعبته عشان يستريح ويقدر يكمل المشوار ربنا يثلج صدرك ويريح بالك ويرزقك ما تتمنين ويحفظ لكي اولادك يا رب وتفرحي بيهم