يااااااااااه ياعاشقة الرياض الله يهديك بس زعلتيني والله

يابنت خليكي قوية والله الولادة مافي اسهل منها اذا اتوكلت على الله عز وجل ورددتي ياحي ياقيوم برحمتك استغيث

انا كانوا يقولولي الولادة تعادل التسعة شهور كلها يقصدوا التعب طبعا

وخوفوني كثيرررررر منها

بس والله ياعاشقة الرياض اني مستعدة اولد ثاني وثالث ورابع بس ماني مستعدة اتحمل تعب التسعة شهووور !!

يعني انتي عديتي اصعب مرحلة والله الحمل مرررررررة متعب من جد وهنا على وهن كله عذاب بس ربي يجعله بموازين حسناتنا اذا احتسبنا الاجر ولا تذمرنا

لكن الولادة يوم بالكثير وانتي والدة وينتهي الالم وتفرحي بشوفة المولود .. مو الم تتحمليه تسعة شهور لا هي بس كم ساعة كذه وكله يصير تمام

مررررررررة لاتشيلي هم واسمعي كلامي ارمي حمولك على الله وصدقيني نصيحة مجربة كل ماكنت هادية ومتوكلة على الله ولسانك يلهج بالدعاء كل ماكانت ولادتك اسهل

ولاتسوي هوايل زي هذولا الحريم وتصرخي وآه وايه وماني عارفة ايش كمان ترى هذا كله ياخد من جهدك وطاقتك ووقت الدفع راح تكوني منتهية

استرخي وارتاحي وكل ما تألمت وقت الطلق اتذكري الاجووور اللي قاعدة تتراكم حسنة ورا حسنة وربي يضاعف ويضاعف اتخيلي جبل من الحسنااات يستناك

ادعي وادعي وادعي الدعاء باذن الله مستجاب اتذكري كل احبابك ومين يعز عليكي وادعيله

انا كنت كاتبة الدعوات في الجوال وكنت اذاكر كل يوم ، وقبل لا ادخل اولد راجعتها مراجعة أخيرة ودخلت .. تقولي اختبار وباراجع المنهج

ارتااااحي بين كل طلقة وطلقة واذا اعطوك الابرة المسكنة (مو ابرة الظهر) مجرد ابرة مسكنة يعطوكي هي مفعولها تقريبا ساعتين استغلي هذي الساعتين ونووووووووم عشان تكوني فايقة ورايقة وقت الدفع

على فكرة انتي حامل بولد ولا بنت ؟

بالنسبة لاسئلتك :

ما انصحك بابرة الظهر .. انصحك بس بالتوووكل على اللي مايضيعنا ابدا هو اللي خلقنا وهو اعلم بمصلحتنا

سؤالك الثاني يختلف من وحدة لوحدة حسب الرحم عندها يتحمل ولا لا .. انا كنت حاولد بالثامن واعطوني مثبت وولدت قبل موعدي باسبوعين وكنت بكرية والحمد لله يارب

اما سؤالك الاخير فانتي ليييييييييييييييش تخاااااااااافي اللي ربي رايده ومقدره راح يصير ، بالله خوفك راح يخفف الالم ؟ ولا راح يخليك تكوني مبتسمة على طول ؟

لاتخافي ياقلبي لااااااااتخافي ربي من عنده راح يسهلها بس بشرط تتوكلي عليه وتفوضي امرك له ولاتفكري كثير بالدنيا حبيبتي لاتعتمدي على شي الا على الله يعني لا ابرة ظهر ولا صراخ ولا خوف راح يخفف الالم مايخفف الالم الا اللي خلق الالم فاطلبيه هو ماراح يردك

ربي يسهل لك ان شاء الله وتبشرينا بولادتك بالسلامة يارب