لو كنت مكان خطيبي بتزعل ؟؟سؤال للرجال ..
بسم الله الرحمن الرحيم
صباح الخير جميعا ..
رجعت لكم يا اعضاء منتداي الحبيب بعد فترة انقطاع وانا عندي مشكله بسيطه اتمنى القى حلها عندكم ..
بصراحه انا من فتره وانا متضايقه من خطيبي من مواقف صغيره حصلت بينا بس انا عديتها في وقتها لاني بطبعي ما احب المشاكل ..
بس جاني وقت حسيت اني ماصرت اقدر اتغاضى او اسكت ..
وهو ما كان حاس فيني ابدا ..
طبعا جلست فتره ما ارد على اتصالاته لاني من جد متضايقه ..
وبعدين ارسلت له رساله عالجوال وقلت له كل شي مضايقني طوول الفتره اللي راحت .. والرساله كانت عباره عن عتب عليه .. وذكرت فيها الاشياء اللي ضايقتني وشي كنت اتمنى انه يسويه وما سواه وانا عارفه انه يقدر عليه .. وان الاشياء اللي صارت فعلا ضايقتني وقلت لازم يعرف ..
بس المشكله الحين ان رسالتي ارسلتها قبل اربعة ايام والى الحين ما فيه رد منه او اتصال .. يعني ماني عارفه ليه ؟؟
هل هو منحرج مني مثلا ؟؟
او انه زعلان لاني صارحته مع ان اسلوبي ماكان قاسي !!