الله يسعدها الدكتورة بنت النيل ردت عليا بالجواب الكافي اللي ريحني في موضوعي السابق
وأتمنى من كل قلبي إنها تشرف موضوعي هذا كمان وتريحني
أنا الآن يادكتورة خلصت الدورة اليوم آخر يوم لها
أنا عارفة إنه المفروض آخد الحبوب من أول يوم للدورة
بس أبغاكي تساعديني ايش أعمل ؟ هل آخد حبوب جينيرا اليوم ولا ماراح تعطي فعالية ؟
إحساسي يقول المرة هذي لو ما أخدت أي مانع راح أحمل ..
طلبت الحبوب من زوجي وباذن الله حبدأ آخدها اليوم .. بس خايفة من حاجتين :
الاولى انها ماتعمل مناعة لاني ما أخدتها من أول يوم للدورة .. بس انتي يادكتورة قلتي في موضوعي السابق انه الحبوب تحتاج اسبوعين او ثلاث عشان يبدأ مفعولها .. والتبويض راح يبدأ عندي بعد أسبوع كما هو معروف .. فهل آخد حبوب الطوارئ ولا ايش أعمل ؟
والشي الثاني خااايفة انه الحبوب تأثر على الحليب .. لانه اعتماد بنتي على حليبي 100% لانها ماتاكل شي غير سيريلاك وأخلطه لها بالحليب اللي اشفطه من صدري يعني معدل الرضاعة مثل ماهو ..
فماهو رأيك دكتورتي الفاضلة ؟