يارب نفرح بيكى يارب
ونزغردلك ياعروسه
وربنا يفرج كربك ويجى العريس اللى يحبك من كل قلبه
وبالنسبه للموقف الاول هو يزعل صراحه لكن خدى الامور ببساطه
انا لما وزنى زاد مره فى جامعه واحده من المراقبين كان دايما تشوف جسمى حلو مره واحده لقتنى تخينه(سمينه) جت عليا هو انتى اجوزتى؟
قولتلها لا
قالتلى امال تخنتى ليـــــــــه
روحت سبتها ومشيت
فى ناس كتير كده بتتدخل فى شئون البشر ماعرفش ليه
لكن لازم احنا نعدى ونستحمل وإلا هانتعب نفسيا ونبقى اسمنا معقدين
فى فرق بين انسان حساس وبين معقد
انتى يااختى ليس بيكى اى مشكله ولله الحمد انسانه كامله
حتى ان لم يأتى خاطب
عمر ماكان ده نقص فيكى
لكن فى نصيب والنصيب مكتوب عند ربنا الله واعلم هايجى امتى
لكن احنا لازم نستناه واحنا راضين بحياتنا وسعدا بيها
صدقينى الحزن بيكبر السن
انا جيه عليا فتره من كتر حزنى وزنى زاد وشكلى كبر وماكنتش بحب البس إلا اسود
عشان كده ماتمناش انك تمرى بنفس ظروفى لكن اول ماقررت انى اتغير وارجع زى الاول فرفوشه وبضحك وبحب الناس والخروج
العريس جيه لوحده
والحمد الله بحاول انزل من وزنى تانى واغير من شكلى تانى
وكل حاجه بتتظبط مع الوقت
مش عيب ياحبيبتى لو شوفنا فى نفسنا عيوب لكن مش يجيلنا احباط ونرضى بالامر الواقع لكن نغيره واحنا متمسكين بالسعاده
ربنا يريح قلبك وتلاقى العريس اللى يسعدك يارب
انا اختك وهافضل متابعه الموضوع لحد ماتدخلى وطلعى كل اللى فى قلبك احنا هنا هانسمع
__________________
التعديل الأخير تم بواسطة المصرية ; 12-02-2008 الساعة 05:54 PM