وازيدك من الشعر بيت : في فترة الوحم اللي هيه تقريبا الثلاثه الاشهر الاولى طبعا تكره ريحة شي معين مثلا انا والله كرهت طقم كامل لعطر نسائي ووخلفت وولدي الان عمره سنه ونص والله اكره هذا العطر واميزه ريحته في صديقاتي وابتعد عنهم مااقدر اشم ريحته مره تانيه ولااقدر اجلس بجنب وحده فيها نفس العطر وللاسف الطقم مايستاهل ولسه جديد وتوحمت عليه وغير كذا انطط والعب وانط درجتين درجتين واحرك الكنبات الكبيره وانقلها من غرفه لغرفه ياااللله ابغااااه يموت في بطن اوينزل المهم اخلص من العذاب والنكد اللي انا فيه وبرضوه كنت اقفل على نفسي غرفتي واجلس ابكي ابكي الين انام ولحالي ماابغى زوجي ينام معايه واجلس اترجاه يمشيني على البحر وبس نوصل هناك على طول اقول يلله رجعني طفشت خلاص والله لسه مانزلنا من السياره وبالعاده قبل الحمل لازم ايس كريم وبليلة البحر طبعا وكم اشتري موواحد لا احب الايس كريم مررره بس ولاشي انسى كل شي واتخاصم معاه وقول بسرعه على البيت وقالوا لي صديقاتي خذي شابوره ناشفه الصباح قبل المدرسه عشان الغثيان والقيء اكرمكم الله بس بدووووون فايده يالللله كم تعاني الحامل من الغثيان والقيء المستمر اللي يسد نفسها ويخوفها من الاكل فتصاب بفقر على طول وكمان مااحب اطبخ لو يموووت زوجي مااقدر اطبخ ابدا الثلاثه الاشهر الاولى طبعا فقط والحمدلله بعدها الله يفرجها علينا وطبعا ريحة ملابسي انا مسكينه الشغاله كم مره اقولها غسيلها كمان وتعيد واخليها كمان واحلف زوجي ماتشمها فيها ريحه واهلي كمان يضحكوا وامي عارفه وفاهمه وتقلي والله مافي بس هيه كم شهر وتروح الريحه لحالها تخيلوا قد ايه تعاني المرأه الحامل والله يسهل لكل حااامل هاه دحين مبسووووط من ردي المطول اللي طفشتكم فيه