عاشقه ياقلبي
اجر ان شاء الله اجر والله كل وحده منا فيها همها اللي اكبر من الثانيه ولاتظنين ان الكل مرتاح (اتمنى تكوني فهمتي قصدي) لكن .. الواحد يقول الحمد لله في كل حال وكل وقت .. بتتيسر اموره ان شاء الله .. وصدقيني لما افكر واشوف ناس اسعد مني .. اقول هذي فيها حكمه اكيد ربي مخبي لي شي يمكن في اخرتي .. هم يمكن اخذوها في دنياهم وان شاء الله وعدنا في يوم الدين ... يارب يااختي الغاليه يفرج همك وهم كل اخت مستضيقه ... ويريح بال الجميع
اما عني فانا ماخبي عليك جزء مما يقلقني .. حالتي الصحيه .. والله محرجتني احراج ماتتخيلينه ... من اول ماتزوجت وانا عايشه على مضادات وادويه ..اخلص من مشكله وادخل في ثانيه .. مهمله نفسي وشكلي ... زوجي صار مايشوفني الا والسواد حوالين عيني ... والتعب هادني .. وخصوصا هذي الايام ..ماعندي عذر متعارف عليه مثل الوحام او مايصاحب بداية الحمل ..لاني خلاص صرت بالسابع .. لكن الم عظامي ورجلي وحوضي وطريقة مشيتي اللي مخليتني اكبر من عمري بعشرات السنوات ... كل هالامور مخليتني في عين زوجي الانسانه العليله.. والله هو مايتكلم .. ولا مبين لي انه هالشيء مضايقه لكن انا احس اني مقصره مليوووووووون مره في حقه ... ولما اتذكر اني راح اجيب البيبي .. وهم المسؤوليه .. ايضا يجيني خوف لاني لازم اهتم بالبيبي وادري يمكن يكون على حساب علاقتي مع زوجي الغالي ... فمسكين كيف ارد له واعوض له .. ولاتظنين ان هالموضوع شيء تافه .. لان انا لسه ببداية حياتي وقالب حياتي لسه عجينه لينه .. ماابي اكونها اخليها بشكل اني الزوجه اللي في العالم الاخر عالم المرض والوهن والتعب ... مابي تكون نظرته الاولى عني اني العليله
ادري يمكن كل من يقراء هذا الكلام يقول هذي تافهه بس هذا مزعلها .؟ احنا نبي عيال واستقرار وماشابه ... لكن اقول لكم.. انتو هنيتو ازواجكم واسعدتوهم .. وانا في الفتره اللي كنت لازم اركز نفسي لزوجي .. عشتها في مواعيد المستشفى والتحاليل ... الخ
اتمنى يا عشوقه تكونين فهمتي .. جزء من مشكلتي انا كمان
بس الله يستر ونقول الحمد لله على كل حال
__________________
اللهم بارك لي في ابني وارزقني خيرا
الحمدلله رب العالمين