المشاركة الأصلية كتبت بواسطة سيدة برتقالة

أهلين حبيبتي فراشه هادئه طبعا راح أقولك عن تجربتي بكلللللللل سرور بس سؤالي أنتي بتسوين تلقيح هالشهر .. الله يكتب لك اللي تتمنينه يااارب .
ابدأ بسم الله
أول يوم جتني الدوره فكرت بالتلقيح وثاني يوم الدوره استشرت زوجي وقالي بكيفك انتي قرري والحمدلله توكلت على الله وشريت كلوميد وبديت اخذه من ثاني يوم في الدوره وحجزت موعد عند الطبيبة على رابع يوم ..
ورحت للطبيبة قالت لي ها انشاء الله حامل ؟؟
ضحكت وقلت لها لا والله ربي ما كتب (على فكره الطبيبه سألتني عن التلقيح السابق فكرته نجح ) المهم قلت لها بسوي تلقيح هالشهر وبديت أخذ كلوميد من ثاني يوم وكانت معاي ورقة فحص السائل المنوي لزوجي ..
اطلعت على الورقه وقالت ماشاءالله كويسه النتيجة ويارب هالمره ينجح ..
وكتبت لي على 3ابر منشطة تؤخذ في العضل بديت أخذها من سادس يوم في الدوره يوم وراء يوم يعني يوم اخذها ويوم لا وهكذا...
وبعد ما أخذت الأبر الثلاثه رحت للدكتورة تقريبا عاشر يوم من بداية الدورة وقالت فيه ثلاث بويضات راح اكتب لك على ابرة التفجير بكرا الساعة عشرة بالليل تاخذيها في يوم الثلاثاء بالليل والتلقيح بيكون الخميس الصباح ..
وسويت اللي قالتلي عليه الطبيبة وفي الخميس الصباح قبل وقت التلقيح بساعتين راح زوجي للمستشفى علشان يعطيهم العينة وبعدين جاء للبيت قعدنا ساعة وبعدها اخذني للطبيبة وفحصتني وقالت ماشاء الله البويضات الثلاثة كثير نازلة قلت لها أخاف يصير توائم وقالت قولي يارب كل شي ممكن وقلت لها لا دكتورة من أولها توأم ما أعرف أربيهم صعب كثير يارب واحد وبس قالتي وهي تضحك جيبي لي واحد أنا اخذه ..(طبعا أنا قلت بداخلي خيييييييييير بعد كل هالتعب بعطيك اياه بهالبساطه لا وألف لا خخخخخخخخخخخخخخ) وبعدها جابت الابره الطويله اللي تخبرونها بلاستيكيه ونحييييييييييييفه بس انها طويله ودخلتها بالسائل ودخلها في المهبل وسوت هالحركة مرة ثانية يعني على دفعتين ...
ونمت على ظهري وموقفه رجولي نص ساعة وبعدها جتني السستر وقالت لي خلاص مدااام انشاء الله يصير حمل ..
وطلعت ورحت لزوجي وأنا الحمدلله مافيني شي ما أحس بألم ..
وعلى فكره نسيت أقول أن الطبيبة ووصفت لي دوفاستون أخذه من أول يوم التلقيح ولمدة عشر أيام ..
بس الحمدلله على كل حال ربي ماكتب الحمل وجتني الدوره في وقتها بالظبط ..
والخطوه الجايه انشاءالله بسوي أطفال أنابيب بس بصراحه بعد خايفه من مسألة التوائم وتخيلو لو جبت توأم الناس بيشكون أني مسويه أنابيب لانهم بيقولون ثلاث سنين ماحملت وفجأة توأم ..(طبعا هذي الآشياء التلقيح والأنابيب سرررر بيني وبين زوجي مانبي أحد يدري أبد أبد )

بنات من جد أعتذر على الهذره الزايده عسى ما أزعجتكم بهذرتي ..

دعواتكم