مشكـله ... وأتمنــى أن أجد لها حـل !
السلام عليكم ورحمة الله وبركـاته
أخـواني أخواتـي
لا أحـد كامل سوى الله سبحانه وتعالـى
لكـن أنا أحـس أن فيني نقـص في لسانـي !!
يعني كيــف ؟!
انا ما أرد زيـن ولا أقـدر أدافع عـن نفسـي أو أتكـلم
مثلا اذا كنت اكتلم مع واحد في موضوع انا ارد عليه لكـن غالبية الأحيان ردودي تجي غبيه بعدين اراجع نفسي واللي قلناه اقول لو اني ماقلت كذا وقايل كذا كان احسن
وايضـا في الذب (ليس استهزاء)
تجي ذباتي غبيه واتلقى استهزاء ويقولون لي تكفى لاعد تذب
واذا سكت يقولون وراك ساكت اقول ان ذبيت قلتو لاعد تذب وان سكت قلتو وراك ساكت
يقولون ايه احسن مانبي ذباتك البايخـه !
انا اتحطم وينقلب وجهـي بس أجامل !
ونفس الشي في خفة الدم
انا احس اللي اسويه خفة دم بعدين اكتشفت ان اللي اسويه فعلا خفة دم
لكن تصلح للأطفال !
مو للشباب !!
ابي حل لمشكلتي جزاكم الله خير
والسلام عليكم ورحمة الله وبركاته
__________________
اللهـم صـل وسلـم وباركـ علـى عبدك ورسولك ونبينـا محمد