اقتباس:
المشاركة الأصلية كتبت بواسطة جنّة الدنيا
قريت كلامك أكثر من مرة ..!
استغربت جدا ..
معقولة زوجة تجد كل هذا الإحسان من زوجها ،، وتقابله بمثل هذا النكران ؟؟!!
قيل: قد يشتكي أحدهم من فقأ عينه وربما يكون هو فقأ عيني خصمه الاثنتين ..!
وبالطبع مانقدر نسمع من زوجتك لكن لازم يكون فيه أسباب لأفعالها !! وأسباب قوية بعد ..!
وأنت قلت إنها مدلعة ومغترة بجمالها ..وأرى إنها أسباب غير كافية للتفريط بعيشة مرفهة مترفة ..
هل ترى نفسك خالي من العيوب ؟؟! يمكن شي أنت تراه بسيط لكن هي تراه عيب كبير ..
هل أنت متأكد إنها تحبك ؟؟ يمكن الله ماكتب محبتك في قلبها ..
كيف تعامل أهلها معك ؟؟ وتعاملك مع أهلها ؟؟
حاول تبحث عن أسباب لوضعكم وتعالجها ..
أتوقع إن زوجتك نادمة بدليل اتصالاتها لكنها عزيزة نفس بزيادة لأنها مااتصلت إلا مرتين ..
ماكان فيه أي اتصالات بينك وبين أهلها خلال الفترة الماضية ؟؟
|
هلا بك اختي.. لاتستغربين ولاشيء هي بختصار انسانه متبلده الاحساس وبارده عاطفيا وفاشله بامور البيت وغير كذا جشعه جدا.. انا لاخصت لك عيوبها تقريبا..
ومن ناحيه اهلها هم بالشرقيه وانا بالرياض وعلاقتي معهم رسميه . وتعاملها مع
اهلي عادي يعني ماحس انها تنبسط اذا وديتها عند اهلي على انهم يطيرون فيها
وامي تحبها لانها هي اللي اختارتها لي لكن اشوفها ماتنبسط عندهم . ومن ناحيه
يااختي اني ارى نفسي خالي من العيوب لاوالله ماني ملاك منزل كل انسان وله
عيوب لكني ماشوف نفسي مقصر معها بأي شيء يعني الحمد الله
ماادخن ولا اشيش ومحافظ على نفسي ويمكن عيبي اني طيب ورحوم بس سؤالك
جرح قلبي يااختي يوم قلتي انت متاكد انها تحبك؟؟ عشره سنتين وماحبتني على
انها اعترفت لي بحبها لي بشهر العسل وقالت ماتوقعت يجيني بيوم من الايام زوج مثلك..