أخوي الفاضل
اللي يرد و يقول لك إنه مجتمعنا مو مثل مجتمعهم ، فحابة أصحح المعلومة هذه
نحن حنا عادات و تقاليد و أصل و فصل و فاهمين الحياة عدل
لكن شوف يا أخوي ، إنت ألحين مثل أبوك ؟
مستحيييييييييييييييييييييل
و نفس الشئ ، لا تتوقع تاخد وحدة طباخة درجة أولى مثل والدتك الله يخليها لكم
شوف الوالدة من كم سنة و هي متزوجة و تطبخ لكم ؟
أخوي
سلفتي طباخة و ربة بيت ممتازة لكن زوجها مو مبسوط معها أبدا و لا هي مبسوطة معاه
لكن أنا و زوجي و الحمد لله مبسوطين لكن ما كنت أعرف أطبخ أول ما تزوجت
و اتعلمت و بأحاول أتعلم عشانه و لإنه يستاهل كل خير
يعني الطبخ أي واحد ممكن يتعلمه ، لكن الأخلاق و الدلال و الأنوثة و العلاقة الخاصة مو أي وحدة تتفنن فيه
و الزوج ما يتزوج عشان وحدة تطبخ و تنفخ و تنظف البيت
و لا لييييه هناك رجال الله يهدهم يبحثوا عن الحرام و يطالعوا في الحريم اللي في الأفلام و غيره ؟
و زوجي مثلك تقريبا و أكثر كمان و علشان كذة أنا بأتكلم و أنا تقريبا حاسة بالأمر
لإني تدلعت عند أهلي و طلباتي كانت أوامر ، لكن تزوجت و بدأت أتغير عشان زوجي
و حتى ما أحد من أهلي يصدق لو قلت لهم بأنظف البيت أو أغسل الصحون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تدري ليه تغيرت ؟
لإن زوجي كان يدلعني مرة و إذا نفسه في شئ و أنا ما أعمل له هي و ماني منتبهة على نفسي
كان وجهه يتغير و أنتبه و أسأل له فيه شئ مضايقك ؟
و يصارحني بأسلوب حلو و حنون
و اللي تقول لك ترى الحرمة تحب الرجال القاسي وووووو إلخ
ترى مو الكل و أنا متأكدة لو زوجتك حست بغلطها فراح ترجع لك أحسن من أول بكثييييييييييييييير
و أنا زوجي ماشاء الله تبارك الله ، حنون جدا و رومنسي و حنانه و حبه هو اللي أسرني
و لا أنا انسانة عنيدة جدا و مدللة عند أهلي و ما في شئ يمشيني على قولتهم
لكن حبه و حنانه و دلاله هو اللي يخليني أضحي بأي شئ عشانه
لكن قلبي طيب جدا و إذا حبيت ، حبيت بقوة و أصبحت لييييييييييينة و حنونة جدا
و نصيحة مني لا تخلي أحد من أهلك يتدخل في الموضوع ، و إنت تفاهم معها
هذه حياتك و مستقبلك إنت و إنت تعرف فين هي سعادتك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا أخوي اللي تقول لك طلقها و تلاقي أحسن منها ، و اللي تقول ياليت زوجها مثل زوجك
فبأسألك سؤال ؟
هل هم مثل زوجتك ؟
يعني سلفتي تخدم زوجها و تنظف بيته و كل شئ تعمل له و توفر فلوسه
لكن ماهي جميلة و ما تهتم في نفسها و لا في عيالها و دايم تصرخ عليهم و تسبهم و تشتمهم
و دايم تتكلم عن زوجها و أهله
لكن زوجها مو مرتاح معها
فهل تضمن إذا أخذت وحدة غيرها و كانت طباخة و ربة بيت ممتازة إنها بتسعدك ؟
على فكرة
أنا زوجي يوم تقدم ، أمي قالت لأهله ترى بنتي ما تعرف تطبخ و حتى يكونوا على بينة
عموما
إنت استخير و أنا هنا ما أوقف معها ، لكن يمكن كانت غافلة ؟ و ألحين ندمت و صحيت
و مافي بيت ما فيه أي مشاكل
و ألحين زوجي يقول إني صايرة أشطر منه مليون مرة و أنا أقول له ( أنا تلميذتك )
و آسفة إذا كلامي أزعجك أو أزعج أحد ، و هذه أول مرة أرد فيها رد طويل في المنتدى
لكن حسيت إنه حياتكم تقريبا مثل حياتنا و مع بعض الإختلافات البسيطة
و حاسة إنه هناك أشياء بسيطة ، لو شلتوها من حياتكم فراح تكونوا أحسن زوجين
و الله يوفق بينكم