أضحك الله سنك، والله هادي فعلا مشكلة عويييصة من يوم ما يجوا الأولاد سواء كانوا كبار أو صغار.
زوجي أول ما خلفنا قال لي أنا دحين عرفت ليش أمي وابويا كان سريرهم جدا جدا عااااااااااااالي
لأن حتى لو كنا نايمين معاهم في نفس الغرفة وإحنا على الأرض ما نقدر نشوف اش بيعملوا
اولا: لازم أولادك يناموا خارج الغرفة يعني ولدك كبير جدا ان ينام معكم في نفس الغرفة في البداية راح يكون صعب لكن لما تقرروا هذا القرار لازم ما تتراجع عنه وتكون حازم ولكن تشجعه في نفس الوقت
ثانيا: العملية كلها ما يبغالها ولا نصف ساعة ما أحوج تنتظر 10 أو 20 يوم، ممكن لو كانت الصغيرة نايمة تشغل الكبير بعمل مسبح في البانيو وجيب له ألعاب...الخ، في المرة الأولى طبعا لعبه وانت معاه او امه وبعد عدة مرات لما يتعود يلعب لحاله ممكن تتركوه وتقفله الغرفة، مو من اول مرة تسيبوا طبعا راح يجي ويخرب عليكم
أما لو كان الكبير نايم والصغيرة صاحية ممكن تحطوا لها شريط فيديو اناشيد صدقني تنجذب لها، وممكن تتركها في وضع آمن يعني مثلا في عربة الأطفال (المشاية) كما نسميها او ممكن تشتري لها المحبس الصغير للأطفال وتمليه ألعاب وتفتح شريط الفيديو.

اذكر من زمااااااااان كان عندنا الطفل الأول فقط وكنا في فندق وطلعت في راس زوجي والطفل صاحي والمكان غرفة واحدة ما في مجال بالمرة، ولكن زوجي اللئيم قلب سرير الطفل ووضع الطفل تحته فأصبح كالسجن له ووضع له ألعاب، وفعل ما يريد بحرية وأمان
يا أخي الحاجة أم الاختراع كما قالوا.
ولو توصلت لاختراعات جديدة لا تبخل علينااااااااااااااااااااا