ياحبيبة قلبي أنا لي كم يوم وأنا أقوله قلقانة عليك. هو من النوع البارد جداااااااااااااااااااااااااااا لأبعد الحدود. يعني مجرد بيقولي لا تقلقين والحين أنا مشغول في التجهيز وإنتي كمان وخليها لبعد الزواج نفضى للموضوع هذا. علشان ما أظلمه هو كثير تحمس إنه يروح لدكتور وسئلني عن أطباء وطلب أراسل واحد منهم، يعني هو مو معارض الروحة بس بيخليها لبعدين لما يفضى، يعني بعد ماتطيح الفاس في الراس وأكون في بيته. وهو لحد الحين مايدري إني أبغى أروح معاه. وكمان واعدني الأسبوع هذا يجيب لي تقرير عن حالته، بس أنا مو واثقة في الكلام هذا. مو واثقة إن التقرير بيوصلني إلا لما أكون صارمة أكثر من كيذا وواضحة. أنا بديت أعرف لشخصيته وبديت أعرف هو قد إيش بارد ومطول البال فوق اللازم. أنا الحين موضحة له إنه إهتمامي على صحته وبس علشان كيذا هو يطمني بالكلام لكن لما أكون واضحة وأقوله برضو خايفة من مستقبلنا سواء، يمكن يتحرك ويمكن يزعل وتكون ردة فعل.

أنا أفكر أقوله كل اللي في راسي بصراحة. بقوله شوف بصراحة من أهم مسببات الأرق ضغوطات نفسية أو غيرها ويمكن الأطباء اللي فاتو ماعرفو يشخصونك كويس علشان كيذا وعلشان أنا زوجتك من حقي قبل ما أنتقل لبيتك أتطمن من الناحية هذي علشان أعرف كيف أتعامل معك لإنه الشخص اللي عنده ضغوطات نفسيه يبغى له طولة بال واللي عنده أرق مزمن برضو يبغى له طولة بال وأنا أبغى أعرف وضعك. أبغى أعرف سبب الأرق هذا. يهمني السبب أكثر من الأرق.

يعني أفكر أعطيه الحقيقة على بلاطة لو زعل وعصب أو حتى لامني وقتها أنا بلومه لإنه ماقالي الموضوع هذا في البداية ولو مازال مطنش ومبرد أعصابه، لازم أتأخذ خطوة أقوى من كيذا وأشد أكثر وأقول نأجل الزواج لما أتطمن.

برضو علشان ما أكون طلعت الجوانب السيئة وبس، هو إنسان إجتماعي وملتزم دينيا ورزين قدام الكل إلا قدامي، يفقد كل إتزانه وتفكيره. تخيلي من أول يوم شافني فيه وهو مو رزين معاي ولما يجي أحد معنا، تنقلب شخصيته ويتحول لثقل. أنا أقول يمكن كيذا الرجال مع زوجاتهم لما يختلون فيهم.

رأيك ياعمري يهمني، بجد يهمني.