اقتباس:
المشاركة الأصلية كتبت بواسطة احاسيس المحبه
اخي حنون تابعت قصتك من البدايه وقراتها وماشدني لموضوعك اني عشت نفس معناتك مع طليقي واستفدت منهاااا كثير وتفكيري اصبح اكبر من عمري حتى ان الكبيرات في السن يستشرنني ولكن لا احب اطول عليك واذكر قصتي
وعل قولة المثل
( مايحس بحر الجمر الا من وطى عليه )
وفعلاااا انت انسان حليم وعاقل بصراحه
واستغرب من بعض الردود اللي يقولون ليش تقسى عليها لانها ماتبطخ وماتكنس وما تغسل وووو ... اجل متى بتقسى عليها ؟؟؟
لان الرجال دائما يصبرون على اشياء كثيره بس مايصبرون على الطماله والبروووود في كل شي
وسالفة الطبخ اعتقد اهم شي في المرأه غير جمالها ودينها ( النظاااافه ـــ والطبخ )
صحيح يمكن فيه بنات مايعرفون يطبخون لكن احنا اللحين في زمن كل شي فيه سهل ... تقدر تتعلم في اسبوع اسهل الاكلات والذها مع طريقة تقديم حلوه وهذا له دخل بالذوووق وبكذا تصف أجمل سفره
نقطه اخرى مكالمتها لك دليل على انها ضايقه مو ندمانه والسبب لما طلبت منها التسنع والشغل والطبخ انزعجت
وهذا شي غريب لان اللي تبي تحافظ على بيتها تسوي المستحيل
ولكن اذا تحب ترجعها لازم تفهم من كلامها انها ندمانه والمده اللي جلستها مو دليل على انها ندمانه
لان الانسان يندم احيانا بيوم وليله وناس العمر كله يضيع مايندمون
نقطه مهمه
اذا حبيت ترجعها اول شي حاول انها ماتحمل عشان مايكون فيه ظلم للطفل
وجرب حياتك معها لمدة كم شهر تحت المراقبه من غير ماتعلمها وشوف كيف النتيجه << وهذي انا جربتها
من البدايه اتفق معها على شروطك وحدد لها المصروف شهري أفضل لك لان هذا تبذير
والزواج المسيار ابتعد عنه لانه مشاكل وعوار راس
اما انك تستمر مع زوجتك او اذا ماكتب لك ربي الاستمرار معها اتزوج زواج عادي
لان العمر مره لاتضيعه بالنكد
اتمنى تكون رسالتي وصلت
واذا ماحسيت ان فيه شي واضح بلغني
|
هلا اختي
الكريمة.. شاكر لك اطرائك وماقصرتي والله وربي يزوجك اللي افضل من طليقك الف مره .وقريت كلامك وفعلاا استفدت
منه على اني اذا كتب الله ورجعت لي راح اراقبها من دون ماتشعر وراح اتاخر بفكره
انجاب الاولاد لانها مشكله اذا كانت هاذي امهم ومن ناحيه المصروف الشهري خلاص
اذا رجعت من نفسها راح احدد لها الف فقط بالشهر شامل فاتوره جوالها بعد ولو تطير
مايزيد ريال واحد ومن ناحيه الهدايا على انها ماتستاهل لكن بيكون الوضع مختلف 180
درجه عن اول وصدقتي بكلمه يوم قلتي اختي مايحس بالجمر الا واطيه.. اي والله ا
اغلب الاخوات الله يهاديهم عاطفيات لكن لو هالشيء عاشوه صدق صدقيني
ماراح يفرطون بهالشيء... انا لازم اتاكد انها ندمانه على فعلتها معي والمشكله
يوم كلمتها ماعتذرت لي وقالت اسفه .. وحقك علي وانا غلطانه ماقلت هالشيء...
اذا كانت تكابر مشكله.. اتوقع انها اخذتها العزه بالاثم بس راح انتظر واشوف...