السلام عليكم أخوي أنا متابعه الموضوع من الأول وطول هالأيام وأنا أقرأ ردودك,, أخوي والله أني بنصحك نصيحة أخت لأخوها لاتستعجل في أي تصرف قبل لاترجع لك وتشوف وش صار عليها بعدين مشاكلكم بسيطه تنحل بشوية تنازلات يعني اذا رجعت جب الخدامات الي بالساعات مره بالأسبوع في الرياض فيه شركات تجيب لك خدامه 8ساعات ب150 ريال تخفف عنها ومصروفها مثل ماقلت حدده بس مو ألف وش تسوي ألف بها اليومين ومع الفاتوره بليز حرام عليك اسلوب تطفيش كأنك تقول انا ماراح أشوف منك أي شي زين وبغير معاملتي 180 درجه وتحملي وأحمد ربك الرسول يقول "الرفق ماجاء في شيئ الآزانه ومانزع منه الاشانه" وصدقني مافي أحسن من الصراحه اللبقه اي شي يضايقك من اليوم وطالع قولها بأسلوب واذا مانفع أهجرها في الفراش يعني عطها ظهرك وانت نايم لأن فيه كثير ناس يفهمون الهجر ينام بغرفه ثانيه وأحرمها من أشياء تحبها هذا اذا زعلتك..وغيره واسها وارحمها بعد أهلها بديره ثانيه بعيدين عنها,,انا أول ماتزوجت ماأعرف شي وبدل الخدامه 3عند أهلي وجبت الجهده في بداية زواجي أنظف واغسل وأحاول أطبخ وكنت دقيقه بزياااده أجلس في تنظيف غرفتي فوق الساعه تعرف زوجي وش كان يقولي لوأنك نظفتي الصاله بعد هو بزعمه بيدفعني زياده للنشاط أقسم بالله في كل مره ماأشوف تقديره لتعبي أتحطم أكثر كنت ماأطلع من البيت اذا طلع لأخوياه كله عشان أستغل الفرصه في الدهره ولابين في عينه تعرف وش صاري أنقلبت 180 درجه معد لي خلق أنظف وقبلي جالسه مقابه التلفزيون ولى الأنترنت بغى ينهبل صار يجي ويقول انا بغسل الدرج بالمويه وانتي عليك الصاله وشوي شوي يساعدني يجيب معي المواعين للمطبخ مايوسخ المكان الي جالس فيه جابلي الخدامه الي بالساعات كل أسبوع صرت أطبخ أكلات ماعمره ولاعمر أهلي توقعو أن منال بتسويها وهي الي ماتدل مكان المطبخ في بيت أهلها والحمدلله مشت الأمور لأني أحب زوجي وهو يحبني تحملنا بعض وعشنا والحين الحمدلله عندي طفلين وجبت خدامه بعد البيبي الأول عشان أتفرغ له ولزوجي وهي تتولى البيت,, طولت عليك بس ان شاء الله اكون أفدتك وصدقني ترا كل بيت وكل أسره وكل مجتمع له طبيعته فيه وانت على حسب دخلك متع نفسك وزجتك بس لاتحد نفسك على الدين وغيره الحمدلله اذا راتبك عاااالي وماعندك اجار والحمدلله امورك كويسه لاتقتر على نفسك ولا على عيالك وام عيالك وبالتوفيق