المشاركة الأصلية كتبت بواسطة بنان911

ايوة والله جبتيها على الجرح وذكرتيني بايام الدراسة كانت لي صديقة احبها في الله فعلا وتخرجنا انا تزوجت وهي لا ومع مرور الوقت صرت انا دايما اتصل بها وهي بحكم كانت بنت اهلها ما كانو يحبو يخلوها تتكلم معايا كثير بالرغم كان الكلام عادي وبريئ جدا او هذا اللي كانت مفهمتني اياه عن موقف اهلها ومرت الايام واكتشف انو اعز صديقاتي كانت تتحرش بزوجي وكانت تسعى انها تكون علاقة معاه وللاسف ما كانت تعرف انها راحت للرقم الغلط وانها ما كانت تكلم زوجي بل كانت تتكلم مع ولد اخوه لانها اخذت الرقم عن طريق الصدفة والمضحك المبكي انها اخذت الرقم الغلط واخذت تكلمو شهور وبعدين اكتشف كلاهما انو يكلم الشخص الغلط من جهتها كانت تعتقد انها تكلم زوجي ومن ةجهته كان يكلم وحدة مالها صلة باحد من اهله بحيث توصل فضايحه والمجنونة ما تعرف ان زوجي ما سواها وهو عازب عشان يسويها وهو محصن والغريب في الامر انها كانت ما يبين عليها شئ وخاصة لمن تجي تتكلم مع اي من زميلاتنا ولكن من يوم يجيبو سيرتي ما كانت تتكلم عني كل الكلام كان عن زوجي (او على الاقل حسب ظنها )وكانو البنات يستغربو هي ليه تتكلم بهذه الطريقة الوقحة لانه ما احد جا في باله اللي كانت تعمله والحمد لله زوجي اول ما قله ولد اخوه عن هذه الادمية جا وقالي وانا حليت الموضوع بطريقتي
ولكن الان اذا جلست مع نفسي وافتكرتها وافتكرت ايام الدراسة وكيف هنت عليها العشرة اعرف ان المحبة في الله كانت من جهتي انا وحدي