مشكلتي مع أبـوي ... أرجـوكم ساعدونـي
السلام عليكمـ
ما ادري من وين أبدأ ..!!
ابـوي معـقدني !! يحطمنـي !! ينتقدنـي !!
ماقـد مدحنــي إلا نادرا ً جـدا جـدا !!!
بعطيكم موقـف ..
انا في صف ثاني ثانوي \ علمي ..
في الإمتحانات الأخيره نهائي الفصل الأول جبت نسبه ممتازه جدا
نسبه قسما بالله ولا واحد من أخواني الكبار الثلاثه جابوهـا !!
كلهم داخلين أدبي الا أنا علمي
الأول نسبته في الثمانينات والثاني والثالث اوائـل التسعينات يعني 91-92
وهم أدبي أنا علمي وتراكمي وجايب 95 (ماشاء الله لاقوة إلا بالله)
وأبوي يجي يحطمني قسما بالله انه ماشجعني ولا حفزنـي ولو بكلمه !! أو حتى ريال !!
قالي طيب ماتسوي شي 95 عاديه !!!!!!!
يووووه انا قلت الحين بيحب راسي أقل شي !!
وش اللي 95 عاديه صاحي انـت ! بس انا ساكت من جوا قايلهـا
اجل لو جايب 90 وش بتقووول
اكييد دااشـر !!!!!!!
يحطم تحطيم مهوب صاحي والشي الثاني
شرا لأثنين من أخواني اللي أكبر مني لاب توب واحد HP والثاني DEEL
وعلى طول قالو له وبعد ثلاثة ايام بالكثير جاهم !!
أنا شهرين ثلاثه يوم طلبت منه لاب توب لا وش جابلي
ازفت شي و كأني قاعد أطر عنده جايب acer !!
وشكله مستعمل بعد الشاشه فيها صوت والماوس اللي في اللاب توب خربانه إلا شوي !!!!!
مدري وش اسوي !!
أمر آخر
طبيعي ان الواحد ينام عن الصلاة وخصوصا أذا كان نومه ثقيل زيي !!
انا بعض الأحيان انوم عن صلاة العصر واهلي يقوموني انا ما اقوم خلقتي كذا نومي ثقيل يجي طال عمره يعترض طيب الله خالقني كذا انا وش اسوي !!
وهو بعد يأخر الصلوات عن وقتها
انا نكون جالسين في الصاله واذا اذن المغرب بعد خمس دقايق يطلع فوق لغرفته مدري وش يسوي ولا يجي للمسجد الا متأخر ويالله يلحق ع الركعه الأخيره
وانا الحمدلله لاحق ع الصلاة من البدايه !
وهو مو نايم لا ويقولي انت ما تصلي في وقتها !!
وش اسوي انا 24 ينتقدني انتقاد !!
امر اخر اختي اللي اكبر مني بسنتين
قسما بالله انها مغيره جواله اكثر من اربع مرات في اقل من سنه !!
وانا والله العظيم اقعد بالشهووور اترجاه عشان يشتريلي جوال !!
اكاديمية برشلونه فتحت في الرياض وهي متخصصه بكرة القدم
وش معني اكاديميه : معناها تطوير وشي زي كذا
قلت لأبوي بسجل يقولي تراك منتب شي انت (تحطيم) !
ليش تسجل اقوله اكاديميه مو نادي ياخذون الأحسن
اكاديميه يطورون مهاراتي يقول لا يشوفون الأحسن
انا وياه كذا شبه طقاق يومياً
وحتى اذا جلست مع نفسي واسترجع اي موقف لي معـه
اشوف كلها انا الصح !!
واقول لنفسي لا اكيد فيه شي غلط ولا ألقـى !! كلها انا صح
وبعدين ابكي قسما بالله إني أبكي
وآخرهـا أليوم !! قسما بالله أليــوم !!
وبعد ساعات اشـك إنه مو أبــوي !!
والله مدري وش أســوي
يالله خيـر
فمان الله
وآسف على الإطاله
__________________
اللهـم صـل وسلـم وباركـ علـى عبدك ورسولك ونبينـا محمد
التعديل الأخير تم بواسطة في ريعان الشباب ; 20-02-2008 الساعة 07:13 PM