ما أدري ليش الأعضاء متحاملين على زوجتك ..
أنت تعجلت بالطلاق ..فجرحتها جرح كبيييير ..
وأنت لم تكن صريح معها من البداية ..وتوضح لها أن فعلها يضايقك لدرجة أنك ستطلقها بكل سهولة ..
وما أرها أخطأت خطأ قوي ..
بالنسبة
لتحديد أيام الجماع (تقولها الزوجة بقصد الدلال والتغلي وتحب أن ترى أنها مرغوبة وكثير من النساء يقلن ذلك من غير قصد ..وحتى لو كانت تقصد ربما قالت في فتره ماقبل الدورة حيث تتغير الهرمونات ووتصبح النفسية متعكرة )
طلبها للمال لمساعدة أخيها ..( مافيها شئ تبي تهدي أخوها وتفك عنه أزمة ..اذا المسلمين مطالبين بتفريج كربات بعضهم ومأجورين على هالشئ فما بالك وهو أخوها ) وبإمكانك ترفض لكن بأسلوب مو طلاااااق .
ومن ناحية السفريات والمصاريف الهائلة ..تراها كانت تحتاج من ينصحها ويبن لها أنك متضايق بقوة ..وأنا ماألومها لأني أعرف المجتمع النسائي زين صاروا يتباهون بشكل مرعب بالماركات والسفريات فهي مسكينة تأثرت بالمجتمع وتبي توضح أنها موناقصة ..لأن أغلب النساء اللي أزواجهم مقتدرين يسون كذا وأعظم .. أرجوك تفهم نفسيتها ترى مجتمعنا أحيانا يجبر الوحدة تصير كذا للاسف..
وكونها ماتطبخ وماتغسل ..أظنها كانت تحتاج تشجيع ووقفة جادة شوي منك ..
ويمكن هي جميلة وكانت متوقعة يجيها واحد مطخطخ يستاهل جمالها ويدلعها ..
وتحب تبين هالشئ لمجتمعها ..
يعني هي لو كانت راعية مشاكل أو ألفاظ سيئة أو ترفع صوتها عليك أو تطالب بالطلاق أو نكدية كان قلنا تستاهل الطلاق ..
بس واضح البنت محترمة بس مسكينه المجتمع غرها بالمظاهر المادية ..
وكثير من الأزواج عندهم زوجات سنعات وراعيات طبخ بس ما فيهم جاذبية أو مايحبها فيتمنى يدفع فلوس الكون بس تكون زوجته تغريه أو يكون يحبها ..
افرض تزوجت ثانية وما حبيتها ..أو ماتحس نحوها بأي جاذبية .. والله إنها تهون فلوس الدنيا ..
من رايي أنكم تتعوذون بالله من الشيطان ..وتتفاهمون بأسلوب وخلك صريح لكن بأسلوب ودي ..
والرضاوة من حقها وأغلب الرجال اذا جوا يرجعون زوجاتهم يعطونهم رضاوة .. وعطها شئ يجبر قلبها المنكسر ..
ومن ناحية المصروف أشوفه قليل .. لأن الأسعار نار
أحس ألفين زينة ..
كل كلامي من الواقع خصوصاً أن المجتمعات تختلف فيه ناس بسطاء وناس لا
وأتوقع زوجتك نفس مجتمعنا ..
ولا تغفل عن الدعاء ..
أسأل الله تعالى لكما التوفيق والسداد والحياة السعيدة ..
التعديل الأخير تم بواسطة المرمر ; 20-02-2008 الساعة 08:26 PM