السلام عليكم ورحمة الله وبركاته
دى طريقة ام على اللى ماما بتعملى لى كل اللى عايزنها وانا تحت امركم فى اى استفسار
اولا تجيبى قرع العسل اللى مثل البطيخه
وتقشريها وتقطعيها على مربعات صغيره وتضعيها فى طبق وتضعى عليها سكر
لو وزن القرعه 5 او 6 كيلو حطى عليها كيلو سكر و اتركيها لتانى يوم
القرع هاينزل مايه خديها وحطيها فى قدر تيفال واسلقيها وبعد ماتتسلق صفيها فى مصفاه
وبعدين اتركيها تبرد
واعملى البشاميل .....طبعا الطريقه معروفه لكن يكون خفيف ومسكر ماتحطيش ملح خالص لان ده بشاميل مسكر
وبعدين تخلطى قرع العسل بنصف كمية البشاميل
وتجيبى الصينيه و ضعي نصف كميه القرع و ضعي طبقه مكسرات على زبيب على جوز الهند
وبعدين ضعي الطبقه التانيه من قرع العسل
وبعدين ضعي باقى البشاميل
وبعدين تدهنى وش الصينيه ببيضه واحده
ودخليها الفرن
وبالهنا والشفا
__________________
التعديل الأخير تم بواسطة مستكة_مستكة ; 21-02-2008 الساعة 11:43 AM
السبب: لهجة محلية + اخطاء املائية