الله يفرج همك
انتي اصبري الحين لين شهور العده تخلص والله بيحلها
وتصرفات اهلك يبون يقهرونه ويجبرونه يردك لكن انتبهي الاولاد مو سلاح بينكم لانكم بالنهايه بتخسرونهم انتي واياه حتى لو رجعتوا لبعض
انتي واهلك وهو بتنسون واطفالك ماراح ينسون ابدا
واختي والله غريبه قبل امس تطلقتي والحين تقولين ماني متزوجه بعد كذا واهلك يقولون بنتنا بتتزوج
غريبه انتي لسه بالعده مايصير تفكرين وتطلبين الزواج والرجال وطليقك مو غبي
واصلا الزواج من مطلقه غير مرغوب
فالبكر افضل واتوقع هذا رايك انتي في يوم من الايام
صح او لا؟؟؟؟
عموما اختي العزيزه الحين انسي انتي واهلك الانتقام واستخدام الاطفال والضغط على ابوهم وركزوووووووووووووا على اسباب مشاكلكم وحلوها اذا لزوجك معزه عندك وترغبين به انتي وليس حجه اطفالي وووو اذا انتي تبينه هو فحلي مشاكلك معه وكل مشكله لها حل اذا بحثنا عنه بالمكان المناسب
واذا كرهتيه خلاص فانتم انفصلتوا خلاص تقربي من ربك وادعيه و اسكتي الان واصبري وكلمي اولادك وطمنيهم ان كل شي بخير وانك ماراح تتخلين عنهم وتحبينهم مهما صار واذا انتهت شهور العده واستقرت نفسيتك وهديتي لحظتها قرري تطلبين الزواج مره ثانيه او تتركين احد حقوقك بالحياه وتضحين به من اجل اطفالك
وترا الزواج حق لكل انثى حتى لو كانت عجوز او فقيره او بلا اصل او حسب او نسب هو شرع الله لكل انساااااااااااااااااااااانه وانسااااااااااااااان
(لافرق بين عربي ولااعجمي الا بالتقوى)
حبيبتي بعد 3شهور قرري مو الان قرري اما الزواج او انك تضحين من اجل اولادك
اذا اخترتي الزواج فهو حقك
اذا اخترتي اولادك فنفقتهم وسكنهم على ابوهم يرجعون لبيتكم وانتي معهم ومانتي جيعانه حتى لو اكلتي بقايا اكلهم
واذا عندك مال وخير احسن وابرك وبلا منيه احد استاجري او اشتري بيت قريب من اهلك واسكنيه انتي وعيالك وبكذا ترتاحين من منيه اهلك قبل زوجك وتكونين مستقله
ادري بتقولين اهلي يحبوني ويحبون عيالي وماراح يقصرون معنا اقولك حتى لووو اذا استقليتي بيحبونك اكثر لانك ماضغطتي عليهم شوفي حل اخوانك الحين الام تتزوج والاطفال عند ابوهم واسمحيلي اهلك ماتغير علهم شي وماتاثروا فانتي من بيت الاول لثاني وعيالك عند ولي امرهم ابوهم اجل وين المحبه لكم عفوا لكلامي الجارح
حبيبتي اخوك لو يصير اي احتكاك بسيط بين طفلك وطفله شوفي الي بيصير لكم غير كلام الاطفال لبعض
الله يعينك
احسن شي بالحياه الاستقلاليه
وعيالك ابوهم مامات متى مااحتاجوه يتصلون عليه وان شاء الله مايقصر
اختي الكريمه انا ماتابعت مواضيعك ومشاكلك السابقه
لكني مطلقه وخلع بعد وبدون اطفال وماغبت عن اهلي 14 شهر وماامداهم يفقدوني الا رجعت لهم وهذا راي وانتي حره تسمعينه اولا
الله يفرجها عليك وعلينا وعلى جميع المسلمين

اكرر اعتذر لقسوة كلامي فالحياه قاسيه الله يهونها عليك

__________________
[type=31162]يقول ابن القيم رحمه الله / من احب شيء غير الله عذب به


الكلمة الطيبة صدقه
العمـــــــــــل صدقه
الإبتسامه صدقه[/type]